Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
Balla justifikon shkrirjen e Komisionit të Integrimit: Ndryshimet, për hir të integrimit
PiranjatPërditësimi i fundit 16 Shtator 2025, 16:53
Ndërsa pretendon se po çon përpara procesin e anëtarësimit në BE, vendimi i kryeministrit Edi Rama për të shkrirë Komisionin e Integrimit shkaktoi debate në Kuvend. Kreu i grupit parlamentar socialist, Taulant Balla, deklaroi se ndryshimet janë bërë në funksion të integrimit në BE, por deputetët e PD-së dhe Partisë së Lirisë deklaruan se, me këtë vendim, opozita përjashtohet nga procesi i integrimit.
Me strukturën e re të komisioneve parlamentare, të propozuar nga kryeministri Edi Rama, është shkrirë Komisioni për Çështjet Europiane, i drejtuar nga opozita. Lëvizja e socialistëve, që vjen në një moment kyç për procesin e negociatave për anëtarësim, i hodhi më shumë benzinë zjarrit në Kuvend, të cilin kreu i grupit parlamentar socialist, Taulant Balla, u përpoq ta fikte, duke thënë se këto ndryshime vijnë si nevojë e procesit të anëtarësimit në BE. Deklarata e Ballës tingëlloi kontradiktore, sepse nga foltorja e Kuvendit ai pretendon se ndryshimet i shërbejnë procesit të integrimit, megjithëse sjellin reduktimin e rolit të opozitës në rrugëtimin europian.
Deputetja demokrate Jorida Tabaku, që ka drejtuar këtë komision, dhe deputetja e Partisë së Lirisë, Erisa Xhixho, akuzuan Partinë Socialiste se po përpiqet të përjashtojë opozitën nga procesi i integrimit.
Ndryshimet e propozuara nga Rama vijnë në një kohë kur Bashkimi Europian i ka bërë thirrje Shqipërisë, duke kërkuar kontributin e të gjithë aktorëve politikë dhe atyre të shoqërisë civile në procesin e integrimit.
