Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
Balliu: Rama dhe Veliaj u transferojnë ndërtuesve të mëdhenj kompleksin e fundit sportiv në Tiranë
I.APërditësimi i fundit 17 Maj 2024, 12:13
Klevis Balliu
TIRANË- Koordinatori rajonal për Tiranën në PD, Klevis Balliu, denoncoi një tjetër skandal të Bashkisë së Tiranës dhe kryeministrit Edi Rama. Balliu tha se teksa Berisha mbahet në arrest shtëpiak, Rama dhe Veliaj po u transferojnë ndërtuesve të mëdhenj edhe kompleksin e fundit në Tiranë, Dajtin.
"Ndërkohë që lideri i opozitës Sali Berisha, prej 136 ditësh është në burgim politik, nën hetim për kompleksin Partizani të kthyer pronarëve legjitimë, Edi Rama dhe Erion Veliaj u kanë transferuar ndërtuesve të mëdhenj kompleksin e fundit sportiv në Tiranë, Dajtin. Kjo fakton se e gjithë çështja ndaj Sali Berishës, përpos skandaleve të gjyqtares me 3 mbiemra, është një flluskë sapuni politik përgatitur nga SPAK. I vetmi themel i tyre është interesi për ruajtjen e pushtetit të korruptuar të Edi Ramës dhe Erion Veliajt që i trajtojnë si kolegë. Për të vërtetuar njëanshmërinë dhe kapjen e SPAK, në procesin politik kundër kryetarit të PD Sali Berisha qytetarët duhet të dinë se:
‘Qendra Sportive Tiranë’ e drejtuar nga Fatjon Dhuli në varësi të Bashkisë Tiranë më 11 gusht 2023 ka publikuar zhvillimin e procedurës së prokurimit i ndarë në 2 lote me objekt: Rehabilitimin e ambienteve tek kompleksi ‘Fushat sportive Pishinat’ dhe ‘Rehabilitimin e ambienteve tek kompleksi ‘Dajti’ Më 11 shtator 2023 shpallet fituesi i njëjtë për dy procedurat e ndryshme, bashkimi i operatorëve ‘Pepa Group Group’ sh.p.k. – ‘Active’ sh.p.k.
Pasi shpallet fituesi më 4 Dhjetor 2023 procedurat anulohen me arsyetimin se dokumentet e tenderit përmbanin gabime dhe mangësi të rëndësishme. Pra pasi kanë pritur dhe vlerësuar ofertat, shpallur dhe fituesin, Autoriteti kontraktor kujtohet se dokumentet kishin gabime e mangësi. Arsyeja e vërtetë është se Autoriteti Kontraktor shkeli ligjin e prokurimit publik me qëllim ndërtimin e kullave në terrenin e fundit sportiv të mbetur në kryeqytet.
Erion Veliaj më 28 dhjetor 2021 i ka hapur rrugë tjetërsimit të terrenit, ndërtimit të pallateve aty ku ndodheshin disa mjedise sportive. Vendimi i datës 28 dhjetor 2021, në këtë mënyrë i hap rrugë betonizimit të një tjetër copëze nga ajo pak hapësirë që i ka mbetur sportit. Bashkia Tiranë përmes këtij vendimi miratoi PDV-në, ku është ndryshuar përdorimi i truallit në zonën e fushave të futbollit të njohur si ‘Kompleksi Dajti’ si truall për ndërtim. Ky vendim i Bashkisë i ndryshoi destinacionin e fushave sportive.
‘Hora Vertikale’ është kulla 41-katëshe që u miratua nga Edi Rama në tetor 2023. Shihni pra të nderuar qytetarë se si institucionet e kapura të drejtësisë po përdoren nga pushteti i korruptuar politik për te ngritur çështje te rreme kundër liderit te opozitës per te forcuar lideret e korrupsionit Edi Rama dhe Erion Veliaj. Edhe pse nga vendimi i qeverisë Berisha kanë përfituar qindra pronarë, ndërsa nga vendimi i Rama-Veliaj as një qytetare nuk ka mare pronën e vet thjesht pushteti ka bërë biznesin e vet Për një arsye të thjeshtë. SPAK ka vetëm një gjë të POSAÇME: sulmin kundër opozitës duke filluar nga lideri i saj.
