Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Banka Evropiane e Investimeve do të hapë zyrë në Shqipëri, Yzeiraj: Gur themeli dhe besim te vendi ynë! BEI duhet të jetë për menaxhimin specifik të planit të rritjes
n.fPërditësimi i fundit 10 Mars 2025, 13:23
TIRANË- Në mbledhjen e sotme të Komisionit të Çështjeve Evropiane ka kaluar marrëveshja e Bankës Evropiane e Investimeve. BEI do të hapë një përfaqësi edhe në Shqipëri, me synim mbështetjen e vendit në rrugën drejtë anëtarësimit në Bashkimin Evropian, si dhe do të menaxhojë fondet që vendi do të marrë në kuadër të planit të rritjes. Gjatë mbledhjes zv/ministër i Jashtëm, Endrit Yzeiraj u shpreh se hapja e një zyre të BEI në Shqipëri është gur themeli për integrimin e vendit.
“BEI ka treguar aftësi besimi për Shqipërinë, sepse ka dhënë një sërë kredish, por meqë po i afrohemi BE edhe BEI duhet të jetë për menaxhimin specifik të planit të rritjes. Ka një plan trevjeçar me aktet që duhet të miratohen deri në vitin 2027”, shpjegoi ai.
Në lidhje me këtë marrëveshje kryetarja e Komisionit të Integrimit dhe Çështjeve Europiane, Jorida Tabaku tha se BEI po vjen për të ndaluar abuzimet me fondet nga qeveria. Ajo shtoi se shpërdorimi i fondeve të IPARD është njollë e madhe për institucionet shqiptare.
“BEI po vjen për të ndaluar abuzimet me fondet e BE, sepse shpërdorimi i fondeve të IPARD është njollë e madhe për institucionet shqiptare”, tha ajo. Deputeti socialist Etjen Xhafaj tha se hapja e dy grupkapitujve brenda këtij muaji është patjetër gur themeli, ashtu si dhe hapja e dy grupkapitujve të tjerë në qershor.
