Ilir Meta ka reaguar në lidhje me gjyqin që po zhvillohet ndaj tij dhe bashkëshortes Monika Kryemadhi.
Me anë të një postimi n&...
POLITIKE
Bardhi: Qeveria ngriti procedurë fiktive 60 mln euro për të faturuar biskota dhe çokollata
PiranjatPërditësimi i fundit 22 Dhjetor 2025, 22:25
Kryetari i grupit parlamentar të Partisë Demokratike, Gazment Bardhi, tha se qeveria ngritur një procedurë fiktive prokurimi që i ka kushtuar buxhetit të shtetit rreth 60 milionë euro.
Sipas Bardhit, një pjesë e këtyre fondeve është përdorur për korrupsion dhe për blerje votash, ndërsa vetëm “taksa e korrupsionit” në këtë procedurë, sipas tij, ka qenë 32 milionë euro.
“Një nga arsyet pse shpërthen skandal pas skandali është fakti që paratë e vjedhura nga buxheti i shtetit përdoren për të blerë zgjedhjet”, u shpreh Bardhi.
Gazmend Bardhi:Një nga arsyet se pse shpërthen skandal pas skandali, është edhe faktit që këto para që vidhen nga buxheti i shtetit, përdoren për të blerë zgjedhjet. Një nga personat që sot është e akuzuar për 11 krime, me një vlerë totale të atyre procedurave 1.1 miliardë euro është Belinda Balluku. Unë jam dëshmi e gjallë se çfarë ka bërë Balluku me ato para në qarkun e Fierit.
Pra, që PD të jetë fituese, pavarësisht se kush është drejtuesi i saj, më së pari duhet të kemi zgjedhje të lira dhe të ndershme, e cila fillon nga barazia e palëve. Nëse koordinatori për krimin, që ishte pika e lidhjes dhe fatmirësisht ka regjistruar dhe do keni zhvillime shumë interesante në ditët në vijim, kanë qenë pike lidhja e Edi Ramës me çunat. Çunat, kuptohet grupet kriminale më të rrezikshme në vend.
Vetëm në një procedurë prokurimi që shtetit i kishte kushtuar 60 milionë euro, e kishte taksën e korrupsionit 32 milionë euro.
Kishte krijuar një kompani fiktive ku tre kompanitë që kishin marrë pjesë në procedurën e prokurimit, kishin kaluar pagesa fiktive sikur ky i kishte ofruar shërbime dhe kishte ofruar shërbime që ata krijojnë sisteme elektronike, këta kishin faturuar biskota dhe çokollata.
Ky i kishte ofruar këtyre kompanive që ndërtojnë softuerë si shërbim biskota dhe çokollata. Nuk ka ofruar asgjë, ka marrë vetë biskota dhe çokollata që në këtë rast ishin në vlerë 32 milionë euro.
