Edhe pse landfilli i Fushë-Krujës është përfshirë nga flakët, denoncimet e banorëve tregojnë se në zonë...
POLITIKE
Bardhi: Rama mohon realitetin e krimit dhe korrupsionit
PiranjatPërditësimi i fundit 4 Prill 2026, 17:16
Kreu i Grupit Parlamentar të PD-së, Gazment Bardhi i është përgjigjur deklaratës së kryeministrit Edi Rama të bërë më herët gjatë ditës në Asamblenë e PS-së në Njësinë nr 12 në Tiranë, i cili ironizoi opozitën për akuzat se është rritur niveli i korrupsionit në 13 vitet e qeverisjes së tij.
Në një reagim në rrjete sociale, teksa ka ndarë një video me disa deklarata të kryeministrit, Bardhi shprehet se ai mohon realitetin e krimit dhe korrupsionit, dhe se duke e bërë këtë gjë, zhytet më shumë në të si dhe zvarritet edhe më shumë për ta mbrojtur.
Sipas Bardhit, në këtë mënyrë, shefi i qeverisë po shmang përgjegjësinë, intimidon punën e drejtësisë si dhe vonon zgjidhjen.
“MOHIMI QË KUSHTON! Koha ka provuar se sa më shumë që Edi Rama mohon një problem, aq më thellë është i zhytur në të dhe aq më shumë zvarritet për ta mbrojtur. Por çështja është se, bashkë me të, zvarriten edhe shqiptarët.
Duke mohuar realitetin e krimit dhe korrupsionit, siç po bën sot, Edi Rama shmang përgjegjësinë, dekurajon dhe intimidon drejtësinë, thellon krizën dhe vonon zgjidhjen, duke e kthyer çdo mohim në kohë të humbur për Shqipërinë.”, shkruan Bardhi.
Deklarata e Ramës
“S’mund të çohet askush e të thotë me plot gojën është rritur korrupsioni dhe s’ka qenë kurrë korrupsioni si është sot. Kjo është gënjeshtër e madhe, se s’mund të rritej ekonomia, pagat dhe pensionet, të ardhurat në arkën e shtetit sic janë rritur. Po të ishte rritur korrupsioni nuk do të rritej numri i përfituesve nga garat publike të fondeve publike. E refuzoj me neveri këtë narrativë që s’dinë të thonë gjë tjetër vetëm vjedhje, vjedhje, korrupsion, korrupsion. Po të ishin të vërteta nuk do të ndodhnin ndryshimet e mëdha që kanë ndodhur.”
