Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Bashkë do të vijojmë betejën tonë", Rudin Hylviu tërhiqet nga fushata e tij në favor të Loranca Hoxhës: E vetmja që ka shancet të zgjidhet deputete!
n.fPërditësimi i fundit 27 Prill 2025, 19:16
KAVAJË- Kandidati i 'Aleancës për Shqipërinë Madhështore', Rudin Hylviu ka njoftuar ditën e sotme se ka vendosur të mbështetur publikisht kandidaten Loranca Hoxha. Hylviu më tej thekson se duhet të jenë të bashkuar për të përfaqësuar Kavajën.
Ai theksoi se Loranca, si kandidate femër është e vetmja që ka shancet të zgjidhet deputete dhe prandaj ai ka vendosur të tërhiqet nga fushata e tij teksa e cilësoi vetësakrificë politike. Hylviu theksoi se ku është një vendim për t’i dhënë Kavajës përfaqësimin dhe zërin e saj në foltoren e parlamentit, gjë e cila i ka munguar që nga viti 2005.
Të dashur miq, Nëpërmjet këtij statusi dua të bëj publik një vendim mjaft të rëndësishëm. Dua të njoftoj publikisht vazhdimin e fushatës sime në mbështetjen e plotë dhe publike ndaj kandidates Loranca Hoxha.
Ky vendim nuk ishte i lehtë, por rrjedh nga nevoja që të gjithë të jemi të bashkuar drejt një misioni më të madh dhe ai është përfaqësimi i Kavajës me një mandat në parlamentin e ardhshëm. Sistemi ynë elektoral është i ndërtuar në mënyrë të tillë, që matematikisht Loranca, si kandidate femër, është e vetmja që ka shancet të zgjidhet deputete. Këtë vetësakrificë politike, po e bëj për t’i dhënë Kavajës përfaqësimin dhe zërin e saj në foltoren e parlamentit, gjë e cila i ka munguar që nga viti 2005.
Me këtë veprim shpreh bindjen e thellë se Loranca Hoxha do të jetë zëri i mijëra qytetarëve Kavajas dhe se do të mbrojë me forcë interesin e qytetit tonë. Me qëllim maksimalizimin e votës, emri im do të qëndrojë në fletën e votimit, por të gjitha votat duhet të shkojnë drejt emrit të Loranca Hoxhës. Duke ju falenderuar të gjithëve për mbështetjen, bashkë do të vijojmë betejën tonë për Kavajën dhe fitoren madhështore të 11 majit.
