Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Bashkia e Tiranës/ Blushi: Opozita do të ketë emrin e kandidatit të saj shumë shpejt
PiranjatPërditësimi i fundit 29 Shtator 2025, 12:29
Në përfundim të Konferencës së Kryetarëve në Kuvend, ka folur për mediat edhe kryetari i grupit parlamentar të Partisë së Lirisë, Tedi Blushi.
Ndërsa denoncoi mazhorancën për shkeljet e Kushtetutës dhe ligjit në seancat e kaluara, duke iu bashkuar kërkesave të Partisë Demokratike, sekretari i përgjithshëm i PL bëri komente edhe për situatën politike në kryeqytet në lidhje me zgjedhjet në Bashkinë e Tiranës.
Ai tha se nuk kishte komente për shkarkimin apo ankimimin që ka bërë kryebashkiaku Erion Veliaj në Gjykatën Kushtetuese, por theksoi se këtë të fundit e kontrollon kryeministri Edi Rama.
Ai tha se Tiranës i duhet një kryebashkiak i ri që të punojë për të, sepse gjendja ishte katastrofike në të gjithë drejtimet.
“Nuk kam asnjë koment për ankimin e Erion Veliajt në Kushtetuese, aq më tepër për një institucion të kapur nga kryeministri Edi Rama”, tha Blushi.
Gazetarët e pyetën edhe për emrin e kandidatit të opozitës, pas takimeve që partitë aleate po zhvillojnë dhe negociatave politike.
“Ju them se shumë shpejt opozita do ketë kandidatin e saj dhe emrin e tij për Bashkinë e Tiranës”, tha shkurtimisht Blushi.
Gjithashtu deputeti opozitar denoncoi faktin se vetëm sot në mbledhje u njohën për ardhjen në Kuvend e të paktën 19 projektligjeve. Ai ka kundërshtuar edhe përfshirjen në rendin e Kuvendit diskutimin për projektligjin e barazisë gjinore.
“Vetëm sot u njohëm që ka mbërritur në kryesinë e Kuvendit të pakën 19 projektligje nga qeveria dhe në mënyrë të paqarta nuk është specifikuar as ku do shqyrtohen as kush është komisioni përgjegjës. Dua të denoncoj futjen në mënyrë tinëzare të projektligjit në Kuvend për barazinë gjinore, një atentat ndaj familjes dhe vlerave të saj që tregon dhe njëherë që kjo mazhorancë është vendosur për të vijuar goditjen në themel të vlerave të familjes”, përfundoi Blushi.
