Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
“Beleri”, Mitsotakis ‘i indinjuar’ me Tiranën: Goditje e shtetit të së drejtës, nuk do ta lëmë me kaq
PiranjatPërditësimi i fundit 1 Korrik 2023, 21:00
Kryeministri Kyriakos Mitsotakis tha nga Brukseli se ishte “i zhgënjyer dhe i indinjuar” nga qëndrimi i qeverisë shqiptare dhe paraburgimi i kryetarit të bashkisë së Himarës, Fredi Beleri.
Gjatë një konference për shtyp, pas përfundimit të Samitit të premten, kryeministri i ka dërguar një mesazh të ashpër Tiranës dhe qeverisë Rama, ndërsa më parë ka njoftuar homologët e tij për rastin e kryebashkiakut të sapozgjedhur të Himarës.
“Pata rastin të informoj homologët e mi për atë që po ndodh sot në Shqipëri me rastin e kryebashkiakut të zgjedhur në Himarë dhe të shpreh zhgënjimin, indinjatën time për faktin se një kryetar i zgjedhur në fakt arrestohet dy ditë pas zgjedhjes së tij dhe ndodhet në burg për ne me dispozita të dyshimta procedurale”, tha ai.
Kryeministri e cilësoi rastin Beleris si “goditje për shtetin e së drejtës dhe për përpjekjet e Shqipërisë për të respektuar acquis evropiane”, duke shprehur dëshirën për një zgjidhje të shpejtë, duke deklaruar se në të kundërtën “do të jetë një element i vlerësimit grek të kursin europian të vendit”. “Unë e konsideroj si një goditje për shtetin e së drejtës dhe për përpjekjet e Shqipërisë për të respektuar acquis evropiane. Pres që kjo çështje të zgjidhet shumë shpejt.
Një çështje shumë e rëndësishme për ne dhe zgjidhja ose moszgjidhja e saj, uroj që e para që theksoj, të jetë një element i vlerësimit grek të rrugës evropiane të Shqipërisë, që fillon tani dhe është një rrugëtim i gjatë”, theksoi ai, duke vazhduar: Respektimi i rregullave bazë të shtetit ligjor është një kusht i panegociueshëm për çdo vend që parashikon të bëhet anëtar i familjes evropiane. Dua të besoj se ky mesazh është kuptuar plotësisht edhe në Shqipëri.
Duke iu drejtuar qeverisë Rama, kryeministri bëri të qartë se çështja Beleri nuk është një çështje që Greqia “do ta lërë të kalojë kështu”, duke lënë të kuptohet se do të ketë vazhdimësi në reagimin e Athinës për të ndryshuar qëndrimin e Tiranës. “Unë e respektoj absolutisht ndarjen e pushteteve, dua të jem shumë i qartë për këtë, por nga ana tjetër nuk është një çështje që do ta lë të shkojë kështu, pa pasur një reagim nga Greqia . Dhe reagimi i parë u shpreh në Këshillin Evropian me konferencën e kolegëve të mi se çfarë saktësisht po ndodh sot me këtë rast”, përfundoi kryeministri.
