Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
Berisha: Detyra jonë është një dhe vetem një, shpëtimi i Shqipërisë nga ky regjim dhe krijimi i qeverisë teknike
n.fPërditësimi i fundit 24 Qershor 2024, 20:37
Berisha
TIRANË- Kreu i Partisë Demokratike, Sali Berisha ka marrë pjesë përmes një lidhje me videon në mbledhjen e Kryesisë së PD-së. Gjatë fjalës së tij Berisha u shpreh se tre drejtuesit e partive kryesore opozitare të vendit janë në arrest shtëpie, ndjekje penale, ose në hetim, në mënyrë absolute në kundërshtim me ligjin. Sipas tij ky qëndrim vjen pasi ai dhunoi masivisht zgjedhjet e 14 majit.
Berisha tha se opozita është në provën e saj më të madhe në tërë ekzistencën e saj dhe se do të arrijë të imponojë një qeveri teknike apo të shkojë dhe të firmosë fitoren e radhës së Ramës dhe të ndëshkojë shqiptarët. Ai shtoi se kjo është alternativa e vetme paso ska tjetër.
Sot tre drejtuesit e partive kryesore opozitare të vendit janë në arrest shtëpie, ndjekje penale, ose në hetim, në mënyrë absolute në kundërshtim me ligjin, kushtetutën, pa asnjë provë, fakt e dokument. Ky qëndrim vjen pasi ai dhunoi masivisht zgjedhjet e 14 majit. Ky qëndrim vjen pasi çdo ditë nuk ka të ndalur zinxhi i skandaleve të kësaj qeverie. Atëherë a nuk është e domosdoshme që secili prej nesh të shtrojë pyetjen, ku jemi ne, cila është detyra jonë. Detyra jonë është një dhe vetem një, shpëtimi i Shqipërisë nga ky regjim dhe krijimi i qeverisë teknike.
Rëndom shtrohet pyetja se si mund të krijohet qeveria teknike. Së pari u them shqiptarëve se qeveria teknike krijohet në mënyrën më të pashmangshme, sepse Edi Rama nuk ka më legjitimitet. Edi Rama dëshmoi në zgjedhjet e 14 majit se është i aftë të shkelë çdo ligj, normë kushtetutë. Një qeveri që zbaton ligjet, kushtetutën, ajo qeveris gjer në zgjedhjet e radhës.
Një qeveri që nuk ka ligj, normë e moral, ajo qëndron në pushtet vetëm për shkak të dobësisë së opozitës. Ajo nuk meriton as 24 orë të qëndrojë në pushtet në vend dhe ne duhet të ua bëjmë të qartë të gjithë anëtarëve dhe mbështetësve tanë, se në rast se sot qeveris Edi Rama ai qeveris për shkak të dobësive tona dhe këto dobësi duhet të marrin fund sa më shpejt. Opozita është në provën e saj më të madhe në tërë ekzistencën e saj. Do të arrijë ajo të imponojë një qeveri teknike apo të shkojë dhe të firmosë fitoren e radhës së Ramës dhe të ndëshkojë shqiptarët, alternativë tjetër nuk ka. Unë them se ne duhet të zgjedhim të parën.
