Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
Berisha: Piro kokaina u emërua ministër Mbrojtje, sepse Sinaloa kërkon të sjellë në portet tona, nëndetëset e drogës
n.fPërditësimi i fundit 28 Korrik 2024, 22:13
Berisha
TIRANË- Kreu i Partisë Demokratike, Sali Berisha ka mbajtur edhe mbrëmjen e sotme fjalimin e tij para mbështetësve të tij të mbledhur poshtë ballkonit. Gjatë fjalës së tij Berisha foli në lidhje me Kongresin e PS-së i cili u mbajt ditën e sotme si dhe ndryshimet në qeveri.
Ai tha se u emëruan hajdutë të klasit të parë. Berisha u shpreh se u emëruan hajdutë dhe vetëm hajdutë. Berisha komentoi ministrin e ri, Petrit Malajku u shpreh se ai ka disa shkolla por problemi i tij ai kishte shkollën më të keqe që mund të ketë njeriu, shkollën e Belindës.
Kreu i PD-sw shtoi se Piro kokaina është njeriu që u mandatua për të garantuar pasazhin e plotë të kokainës në Portin e Durrësit dhe që kur ka shkuar Pirro aty dhe Taulanti në ministri, në Durrës kanë kaluar tonelata e tonelata dhe nuk është kapur asnjë kilogram kokainë. Sipas tij Piro kokaina edhe ai është me shumë mbiemra. Berisha u shpreh se mund të quhet edhe Piro Alabari sepse merret dhe u mor me operacionin e tmerrshëm korruptiv disa miliardësh të portit të Durrësit.
Nuk ka nevojë të komentoj për Taulant Ballën se e kuptoni ju që ja flakën të tjerët. Por tani kam disa fjalë unë, sepse mediat thonë se u emëruan kandidatura jo politike. Madje pati dhe ndonjë që tha të rinj. U emëruan hajdutë të klasit të parë. U emëruan hajdutë dhe vetëm hajdutë. Po marr atë të Financave. Petrit Malaj. Dëgjoni miq, ai kishte disa shkolla nuk mohoj, por problemi i tij ai kishte shkollën më të keqe që mund të ketë njeriu, shkollën e Belindës.
A e kuptoni se pse shkoi në Financa ai, ai shkoi se ka bërë shkollën e Belindës në AKBN. Po në mbrojtje. Piro kokaina. Piro kokaina është njeriu që u mandatua për të g arantuar pasazhin e plotë të kokainës në Portin e Durrësit dhe që kur ka shkuar Pirro aty dhe Taulanti në ministri, në Durrës kanë kaluar tonelata e tonelata dhe nuk është kapur asnjë kilogram kokainë. Piro kokaina edhe ai është me shumë mbiemra. Mund të quhet edhe Piro Alabari. Sepse merret dhe u mor me operacionin e tmerrshëm korruptiv disa miliardësh të portit të Durrësit. Por Piro Vengu, dale nga vijnë lidhjet.
Vjen nga ajo familje që firmoste me Kristaq Ramën, varjen në litar, ekzekutimin e kundërshtarëve politik në presidiumin e kuvendi famëzi popullor. Jo, jo nuk është e thjeshtë. Piro kokaina miqtë e mi, është një delinkuent i vërtetë. Ai njëlloj si Irena me 4 mbiemra është i dënuar në Greqi sepse ka braktisur shërbimin ushtarak, nuk është paraqitur për shërbim ushtarak. A mund të imagjinoni ju miq, ministër Mbrojtje një njeri që ja ka mbathur dhe nuk ka kryer shërbimin ushtarak. A ka turp më të madh se ky.
Po pse shkoi ai në Mbrojtje thoni ju. Shkoi sepse Sinaloa kërkon portet për nëndetëset e drogës. Kërkon të sjellë drogën me nëndetëse në brigjet tona dhe duhet të jetë ky, Piro Vengu, Piro kokaina për të garantuar këtë krim të shëmtuar. Po ai tjetri, Ervin Hoxha. A e dini ju, ai është shkarkuar me firmë dhe urdhër të Edi Ramës nga detyra.
Si ndodhi thoni ju. Ua them unë. Ishte kryetar i hetimit tatimor dhe shkon e ulet në një resort turistik në Sarandë, zhdepet gjithë natën duke ngrënë dhe në mëngjes ikën pa paguar. Ankohen si përfundim, Edi Rama thotë ky na e mori fytyrën dhe e shkarkon. Pra u shkarkua për një darkë që nuk e pagoi dhe emërohet ministër. Imagjinoni ju se çfarë ka paguar ky dhe çfarë fuqie ka ky i shkarkuari për korrupsion. Ky është famoz.
Ka qenë dhe nëndrejtori i policisë rrugore. E shtriu ryshfetin në çdo kilometër rrugë. Të nderuar anëtar të medieve dhe të respektuar. Këta janë anëtarët e rinj me të cilët u hap Edi Rama. Këta janë jopolitikët që rekrutoi Edi Rama. Këta janë hajdutë me çizme, secili prej tyre. Po Mete pse iku. Iku si mec i Arben Ahmetaj, po iku se e kishte mbajtur si manar me vete Arben Ahmetaj dhe e hoqi atë.
