Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
Berisha-Ramës: Të garantoj se çdo krim që ke kryer do ta paguash me dekada burgje. Dosja McGonigal nuk do mbyllet kurrë
S.BPërditësimi i fundit 25 Korrik 2024, 21:23
Sali Berisha
TIRANË- Kryetari i Partisë Demokratike, Sali Berisha në fjalën e tij mbrëmjen e sotme, iu drejtua kryeministrit Rama duke i përmendur dosjen e hapur me McGonigal. Sipas Berishës kjo dosje do ta ndjekë Ramën gjithë jetën dhe se së shpejti do të zbresë nga froni.
Më tej Berisha thotë se Rama do të paguajë çdo krim me dekada burgje. Në një moment kreu i PD-së përmend edhe Adriana Kalanë, ku sipas tij Rama trembet nga fjalët e saj.
Berisha: Edi Rama, ti je sot kryeministri i vetëm që ke një dosje të hapur me McGonigal.
Mos mendo se ajo do të mbyllet.
Mos mendo se do të mbyllet kurrë.
Ajo të pret dhe do të ndjekë gjithë jetën tënde.
Ti ke tmerr nga fjala e Adriana Kalasë, dhe kur ajo përmend revole, ti ke për borxh të thuash se të bëri atentat.
Aq i trembur, aq i frikësuar, aq i çatrafiluar je për shkak të krimeve që ke kryer.
Por të garantoj që nga ai fron do zbresësh dhe drejt e tek Emiljano do përfundosh, tek Shullazi yt do përfundosh.
A mund të imagjinohet të thotë tjetri për një fjali, se tentoi të më vrasë?
Po çfarë burracaku je ti mor? Vetëm burrë nuk je ti. Ti je turpi i njeriut!
Janë krimet që ke kryer që të detyrojnë të trembesh në këtë mënyrë dhe të kesh këtë përrua psikik.
Nuk shpëton prej tyre, Edi Rama. Nuk shpëton!
Flakët e lëvizjes demokratike, e revoltës së shqiptarëve janë të ndezura në të katër anët e vendit.
Urrejtja e shqiptarëve për ty ka kufi vetëm qiellin.
Të garantoj se çdo krim që ke kryer do ta paguash me dekada burgje.
Ndaj dhe ju ftoj të dashur miq, qëndrestare e qëndrestarë, të vazhdojmë këtë betejë. Të bindur se me Edi Ramën, zgjedhje të lira nuk ka. Të vendosur për çdo sakrificë. Për lirinë e votës, për zgjedhje të lira për shqiptarët. Të vendosur për ndryshimin e shumëpritur. Fitoren e opozitës. Rrofshi ju, rroftë Shqipëria. Fitore, fitore, fitore!
