Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
Berisha: Shteti do përballojë 80% të interesit të kredive që do marrin fermerët për fermat e tyre
r.llPërditësimi i fundit 3 Prill 2025, 18:49
sali berisha
TIRANË- Kryetari i Partisë Demokratike, Sali Berisha tha subvencionet direkte për çdo fidan apo kokë bagëti do të jetë një skemë që do praktikohet menjëherë. Berisha tha se masa e subvencionit do të jetë sa Kosova dhe Maqedonia, e cila sot është 5 herë më e madhe se sa në Shqipëri.
Ai njoftoi gjithashtu se me ardhjen e tyre në pushtet, shteti do përballojë 80% të interesit të kredive që do marrin fermerët për fermat e tyre.
"Çdo fidan që mbillni dhe çdo kokë bagëti që mbani. Vendosja e subvencioneve direkte do të jetë absolutisht emergjencë, dhe këtë skemë do e praktikojmë menjëherë. Cila do të jetë masa e subvencionit? Masa e subvencionit nuk do jetë sa Franca dhe Gjermania, por do jetë sa Kosova dhe Maqedonia, e cila so është 5 herë më e madhe se sa në Shqipëri.
Po ta marrësh hollë hollë është edhe më e madhe. Sepse këta përshembull kanë lënë këtë vit buxhetor 56 milionë euro. Por problemi është se, shumicën e shndërrojnë në rroga dhe shpenzime për administratën dhe nuk ua japin financim fermerëve për findanët dhe për bagëtitë. Ne do ta 5-fishojmë. Ne do të arrijmë në nivelin që ka Maqedonia, Kosova, që e kanë vendet përreth.
Së dyti. E tërë bujqësia shqiptare, që kontribuon 19% të probidhimit të brendshëm të vendit, merr vetëm 1% të kreditit bankar. Dhe kjo është ndëshkuese për bujqësinë. Ne çfarë do bëjmë? Do marrim përsipër zbutjen maksimale të kërkesave. Shteti do përballojë 80% të interesit të kredive që do marrin fermerët për fermat e tyre. Dhe kjo, e gjykoj të domosdoshme. Do jetë kjo nga Bnka e Zhvillimit që do krijojmë më së shumti. Ju garantoj që ne do mbulojmë 80% të interesave të kredive që ju do merrni për serrat, për fermat, për fidanishtet, për baçet, për bagëtitë dhe për të gjitha.", tha Berisha.
