PiranjatPërditësimi i fundit 8 Dhjetor 2025, 15:48
Kryedemokrati Sali Berisha thotë se buxheti i miratuar është një piramidë mashtrimi që bazohet në vjedhjen e qytetarëve shqiptarë.
Në mbledhjen e Grupit Parlamentar të Partisë Demokratike, Sali Berisha iu referua të dhënave të INSTAT, sipas të cilit tregojnë ‘efektin shkatërrimtar të karteleve të drogës mbi rritjen ekonomike të vendit’.
Sipas Sali Berishës taksat rriten sepse rriten çmimet dhe grabiten xhepat e qytetarëve. Po ashtu ai tha se “të gjithë përpunuesit kanë leverdi të marrin prodhimet serbe dhe jo serbe dhe jo prodhimet e vendit, prandaj bie prodhimi vendas”.
“Ky buxheti është një piramidë mashtrimi, vjedhjeje ndaj qytetarëve shqiptarë. Të dhënat më të fundit të INSTAT tregojnë efektin shkatërrimtar të karteleve të drogës mbi rritjen ekonomike të vendit. Çfarë tregojnë këto të dhëna mbi rritjen ekonomike mbi të cilën bazohet buxheti. Në këto të dhëna, rritja ekonomike për herë të parë pas 32 vitesh ekonomia shqiptare në rritje ka kontribut minorance.
Këtu shteti predominon në ekonomi, me dy kontribute kryesore. Së pari me rrogat, pensionet, sigurimet shoqërore, sigurimet e tjera duke mbajtur një makineri gjigande të punësuarish dhe rritjen fiktive. Së dyti shteti kontribuon me taksën neto. Cfarë është taksa neto? Taksa neto është taksa që vilet ndaj prodhimeve dhe shërbimeve pasi zbritet subvencioni dhe shpenzimi për të.
Ndodh që çdo rritje çmimi rrit taksën. Nëse çmimi i qumështit kalon nga 2 euro në 4, TVSH që vilet nga e njëjta litër qumësht dyfishohet.
Sot vetëm nga 2023-2025 me 200 euro merr më pak seç merrje tre vite me parë me 160 euro. Kjo është e provuar. Rritja e çmimeve sipas eurostat krahasuar me vendet e tjera është 1% më lart se mesatarja e BE, në ushqime është 17%.
Prodhimi industrial është me minus, është në recension. Prandaj dhe taksat nuk vijnë se është rritur prodhimi, të ardhurat nuk rriten se është rritur prodhimi, por taksat rriten sepse rriten çmimet dhe grabiten xhepat e qytetarëve.
Prodhimi bujqësor bie, çmimet rriten. Shqipëria me rregullat e Ballkanit të Hapur që ka instaluar argati i Vucicit. Të gjithë përpunuesit kanë leverdi të marrin prodhimet serbe dhe jo serbe dhe jo prodhimet e vendit, prandaj bie prodhimi vendas”, tha Berisha.
