Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Bilanci i një ministre që Rama e zyrtarizoi si Kryebashkiake
PiranjatPërditësimi i fundit 11 Shtator 2025, 15:24
NGA MIRELA KARABINA
Edi Rama nga tribuna e Asamblesë së tij ka zyrtarizuar sot ministren e Arsimit, Ogerta Manasterliu si kandidate për Kryebashkiake. “Nuk kemi ku si dhe pse të kërkojmë një profil dhe person më të përshtatshëm për t’i kërkuar popullit të Tiranës mbështetjen e tij dhe për t’i dhënë lokomotivës së Shqipërisë shpejtësinë më optimale”- e prezantojë Rama. Lajm jo i mirë ky për qytetarët e Tiranës dhe jo vetëm, pasi si ministre e Arsimit, Manastirliu liston tregues të rëndë në fushën më të rëndësishme të një vendi e kombi, dëmi i të cilave do të vazhdojë dhe për 20-30 vitet e ardhme: 1. Si ministre e Arsimit, drejtuese politike dhe deputete e Tiranës, . 70,000 banorë në zonën e Astirit vijojnë pa shkolla, kopshte dhe çerdhe. . Tirana ka vetëm 53 kopshte shtetëror ( Open Data) krahasuar me vitin 1990 ku ishin 60 kopshte, nderkohe që popullsia e Tiranës më shumë se dyfishuar, nga 250.000 në 598.176 banorë (census 2023). Ndërsa çerdhe shtetërore janë 43. Pra, nuk mbulohen nevojat e qytetarëve për kopshte e çerdhe për fëmijët e tyre. • Mbi 60% e shkollave në Tiranë vazhdojnë të punojnë me 2 turne (sipas të dhënave të Ministrisë së Arsimit 2025). 2. Arsimi në fshatra që po shpopullohen çdo ditë: • Mbi 30% e shkollave në zonat rurale janë mbyllur gjatë dekadës së fundit për shkak të shpopullimit, 295 shkolla të mbyllura. . Nga 6 fshatra, 1 nxënës në klasë të parë i regjistruar për këtë vit. • Fëmijët në fshatra shpesh detyrohen të udhëtojnë deri në 10–15 km çdo ditë për të shkuar në shkollë. 3. Kriza e mësuesve • Çdo vit mbyllen programe të mësuesisë në universitete. Vetëm në 2022–2023 pati një ulje me 25% të regjistrimeve në degët e mësuesisë. • Nëse ky trend vazhdon, Shqipëria do të ketë mungesë prej mbi 7,000 mësuesish deri në vitin 2030 (parashikim i Bankës Botërore). 4. Fëmijët me aftësi të kufizuara • Vetëm 1 në 3 fëmijë me aftësi të kufizuara kanë akses në arsimin parauniversitar. • Vetëm 20% e shkollave publike kanë kushte minimale për aksesueshmëri (WC të përshtatura, rampa, mjete ndihmëse). 5. Cilësia e arsimit (sipas matjeve ndërkombëtare) • PISA 2022: Shqipëria u rendit ndër vendet e fundit në Europë për aftësi zbatuese dhe në fund të listës për të menduarin krijues. • Raporti i Bankës Botërore 2022: fëmijët shqiptarë humbën mesatarisht 1.5 vite arsimim efektiv gjatë pandemisë; tek shtresat vulnerabël humbja shkoi deri në 2.3 vite. • UNESCO 2025: Universitetet shqiptare kanë kurrikula të vjetruara dhe të palidhura me tregun, duke prodhuar të diplomuar pa aftësi të punësueshme. Dhe, pavatësisht këtyre treguesve dramatikë, ministrja Manasterliu ka zgjedhur të bëj zëdhënësen e devotshme të partisë dhe politikanen e papërgjegjshme ndaj qytetarëve. Asnjë strategji për të nxjerrë arsimin nga kolapsi të cilën kjo ministri e qeveri e kanë zhytur duke penguar zhvillimin e vendit. Pyetja që lind dhe habia: Me këtë bilanc negativ në arsim a mund të jesh kryebashkiake?! Apo ky është standarti i qeverisë së Edi Ramës, më e korruptuara në 113 vjet shtet. 11 shtator 2025.
