Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Biznesi i vogël është gjeneratori kryesor i punësimit"/ Berisha: Ne do bëjmë gjithçka për suksesin e tij
m.lPërditësimi i fundit 15 Prill 2025, 14:17
TIRANË- Kryetari i Partisë Demokratike, Sali Berisha u shpreh sot pas takimit nga afër me bisneset e vogla, se ato ishin në një situatë dëshpëruese. Në një deklaratë për mediat, Berisha tha se biznesi i vogël është gjeneratori kryesor i punësimit dhe premton se do të bëjnë gjithçka për suksesin e tij.
Berisha shtoi më tej se programi i PD-së për biznesin e vogël, që përfshin rritjen e tavanit për biznesin pa taksa per rreth 40 mijë euro, ishte pritur shumë mirë nga pronarët e këtyre bizneseve. Kryedemokrati shtoi se këto premtime do të realizohen që në tremujorin e parë të qeverisjes së Partisë Demokratike.
"Në takimin me biznesin e vogël, gjeta aty një situatë dëshpëruese. Gjeta njerëz të cilët kishin shitjet më minimale. Gjeta shitës që më informonin se pothuaj nuk shes asgjë. Gjeta të tjerë që më thanë se më i riu jam unë këtu, nuk ka të rinj, nuk ka kush blen. Gjeta biznesmenë, gra dhe burra, me gjoba nga më absurdet të skuadrave plaçkitëse të bashkisë. Pra, gjeta një situatë të dëshpëruar për këta njerëz. Por nga ana tjetër konstatova me kënaqësi se programin e PD për biznesin e vogël, domethënë rritjen e tavanit për biznesin pa taksa nga 140 mijë euro në 180 mijë euro, ishte pritur shumë mirë.
Se ulja e çmimit të energjisë nga 18 lekë në 6 lekë, përgjysmimi i çmimit të ujit, linjat e kreditit të butë për biznesin e vogël, ulja e tarifave sipërfaqet publike nga 1500 në 120 lekë, amnistia e të gjitha gjobave të vendosura ndaj këtij biznesi dhe vendosja e kufirit te thana për bashkitë që të mos taksojnë këtë biznes më shumë se 1 përqind të xhiros, unë këto gjeta. Aty pashë një optimizëm. Aty pashë një mbështetje transversale, pavarësisht nga bindjet politike të paketës së PD për biznesin e vogël, të përpjekjes së saj Made in Albania. Meqenëse aty fola vetëm me biznesin, desha që me këtë deklaratë, t’ua afirmoj edhe atyre fjalë për fjalë ato që premtova dhe që do jenë realitet tre muajt e parë të qeverisjes së PD. Për ne, biznesi i vogël është gjeneratori kryesor i punësimit. Ne do bëjmë gjithçka për suksesin e tij," tha Berisha.
