Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
POLITIKE
Blushi: Ilir Meta, më shumë se një vit i burgosur politik. I kanë mohuar takimet me familjen
PiranjatPërditësimi i fundit 4 Dhjetor 2025, 17:27
Deputeti i Partisë së Lirisë, Tedi Blushi, gjatë fjalës së tij në Kuvend, u ndal te raporti i Avokatit të Popullit, i cili sipas tij dokumenton trajtim të papranueshëm ndaj ish-presidentit Ilir Meta, i cili ndodhet në paraburgim prej më shumë se një viti.
Blushi deklaroi se mënyra e arrestimit dhe mbajtjes së Metës përbën një “rrëmbim kriminal” dhe shkel standardet e procesit hetimor, duke theksuar se ai “është izoluar pa kryer asnjë krim dhe pa shkaktuar dëm shtetit”. Deputeti u shpreh gjithashtu se Metës i janë mohuar disa nga të drejtat themelore, përfshirë lirinë e shprehjes, takimet me familjarët dhe kontaktet me drejtuesit e partisë.
“Mohimi i së drejtës së fjalës, pamundësia për t’u takuar me familjarët dhe drejtuesit e Partisë së Lirisë, përbëjnë një shkelje flagrante të Konventës për të Drejtat e Njeriut,” tha Blushi.
Ai i bëri thirrje ministrit të Drejtësisë që të reagojë menjëherë.
“Ministër, në emër të Partisë së Lirisë, të kërkoj të ndërhysh kundër kësaj sjelljeje kriminale që po ushtrohet ndaj kreut të partisë dhe liderit të forcës së dytë opozitare në vend,” përfundoi ai.
Tedi Blushi: Dje, Avokati i Popullit ka publikuar një raport në lidhje e sjelljen kriminale ndaj ish-kryetarit të këtij Parlamentit, ish-presidentit dhe ish-kryeministrit Ilir Meta, i cili sot, prej më shumë se një viti, vijon të jetë i burgosur politik i një regjimi armik. Jo vetëm ndaj tij dhe ndaj opozitë, por edhe ndaj vlerave njerëzore, lirive dhe të drejtave themelore të çdo shqiptari.
