Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
POLITIKE
Braçe tregon dokumentin e kontrollit të KLSH: Tatimet vendosën 8,2 milionë lekë të vjetra për 15 kg gjizë
PiranjatPërditësimi i fundit 6 Nëntor 2025, 15:11
Deputeti i Partisë Socialiste, Erion Braçe ka folur sot në Kuvend, për gjetjet e Kontrollit të Lartë të Shtetit në raportin vjetor të vitit 2024. Gjatë fjalës së tij në Kuvend, Braçe u shpreh se kontrolli i tatimeve i ka vendosur një biznesi të vogël në Tiranë, një gjobë prej 8,2 milionë lekë të vjetra për 15 kilogramë gjizë, e cila u gjet pa faturë.
Braçe tha se inspektorët kanë një sjellje "të egër" dhe shumë fort me të dobëtin, në këtë rast me bizneset e vogla.
"KLSH sjell në vëmendje disa problematika dhe çështje, e në radhë të parë klientelizmin si në Doganë, pasi cenon edhe sigurinë e operatorëve në treg me evazionin fiskal. Duke favorizuar disa dhe nxjerrë nga tregu disa të tjerë. E njëjta gjë vlen edhe për Tatimet, si gjetje e KLSH-së, por ajo që vjen në evidencë ka të bëjë me borxhin, që po rritet shumë më shpejt se masa e arkëtimit brenda një viti. Por më i madh bëhet shqetësimi kur tatimorët e organeve tatimore dalin jashtë sistemit elektronik të inspektimit, si kamerat apo GPS dhe kjo evidentohet.
Dhe organet fiskale, e kanë këtë qasje dhe sjellje, sillen egër, shumë fortë me të dobëtin dhe mungojnë në drejtoritë më të rëndësishme thuhet në raportin e KLSH. Sjell në vëmendje këtë akt konstatimi apo gjobe. Një biznes, në Tiranë, në periferi të saj, do e lexoj se më ka bërë shumë përshtypje: në momentin e kontrollit rezulton se nuk lëshon faturë tatimore për gjizë në shqip, në shifrën 229 lekë për njësi, në sasinë 15 kilogramë. Dhe gjoba është 822 mijë lekë të reja, ose 8,2 milionë lekë të vjetra. E kjo vetëm për 15 kile njomëz apo gjizë. KLSH është auditi i jashtëm suprem, por që operon mbi bazë faktike. Nuk operon mbi bazë thashethemesh.
Në raportin e KLSH nuk ka shifër të tillë që janë zbuluar 900 mln euro në 9 muaj. Këtu e kemi pasur raportin. Kjo histori që e thoni këtu dhe më pas e xhirojnë portalet duhet të marrë fund. Të thuash se në një vit u vodhën 900 mln euro, kjo të bën të mendosh për lajthitje ose gënjeshtar patologjik. Këtu e kemi kryetarin e KLSH. Në cilin rast nuk janë marrë në evidencë rastet nga SPAK? Cilën dosje ka refuzuar SPAK të hetojë ?” tha Braçe.
