Efektivi Edison Adri kishte marrë plumb në nofull dhe siç raportohet i ka ikur edhe gjuha.
Mjeku i Traumës konfirmoi se efektivi do fut...
POLITIKE
"Bufi më i mençur se ty o kopjac!" Rama-komentuesit: Vdeshka unë ju të programeve! Je shumë i molepsur, s’të ndihmoj dot!
M.B.Përditësimi i fundit 1 Prill 2025, 09:21
TIRANA- Kryeministri Edi Rama, ka zhvilluar dhe sot një bashkëbisedim me komentuesit në rrjetet sociale në rubrikën "Sy m'sy". Rama i është përgjigjur një komentuesi i cili i tha se ka kopjuar programin e PD. Ai përgjigj se është shumë i molepsur dhe nuk e ndihmon dot. Në vijim, Rama akuzave për kopjim të programit të PD i quan qesharake.
"Kjo tregon që është më i mençur bufi se ty o kopjac", shkroi komentuesi.
"Vdeshka unë ju të programeve, që kur publikohet edhe 3 minuta program kaloni në stacionin tjetër... Je shumë i molepsur i dashur, nuk e di si mund të të ndihmoj. Kjo kopjimi i programit është shumë qesharak, programet janë rrugëve, nuk e di sa programe ka rrugëve, mijëra-mijëra që mund t’i shohësh, t’i adoptosh.
E kam thënë edhe më parë, ne kemi një program pune, një program me të cilin po anëtarësojmë Shqipërinë në BE. BE nuk i afrohet fare vendeve që nuk përmbushin standardet. Nëse BE na sheh si vendin më të mundshëm për tu anëtarësuar nga gjithë rajoni, kjo tregon se shikon faktet, shikon se çfarë progresi i jashtëzakonshëm është bërë. Kur ne morëm detyrën nuk na shihnin fare si opsion për tu anëtarësuar", tha Rama.
