Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
Bushati në Durrës: Lufta kundër korrupsionit dhe krimit të organizuar nuk është vetëm detyrë e SPAK
ZH.LLPërditësimi i fundit 7 Nëntor 2024, 18:56
Ditmir Bushati
DURRËS- Studentët e Fakultetit të Shkencave Politike dhe Juridike zhvilluan një leksion të hapur me Ish-ministrin për Evropën dhe Punët e Jashtme Ditmir Bushati. Nën drejtimin e Lektores, Mirela Metushaj, studentët diskutuan për një sërë cështjes duke nisur që nga zhvillimet ndërkombëtare duke u ndalur vecanërisht tek zgjedhjet presidenciale në SHBA, procesi i integrimit të vendit në Bashkimin Evropian dhe zhvillimet në vend me focus drejtësinë.
Studentët shfaqen interes të vecantë veçanërisht tek zgjedhja e Donald Trump në krye të Shtëpisë së Bardhë dhe pasojat që mund të ketë në rajon dhe në Shqipëri. Ish-Ministri Bushati theksoi se zgjedhjet në Amerikanë kanë një rëndësi shumë të madhe jo thjeshtë për SHBA-të por për mbarë botën për shkak të peshës së pakrahasueshme që ato kanë në arenën ndërkombëtare.
Dy janë përfundimet kryesore që Bushati ka nxjerr në këtë drejtim. Së pari, kemi të bëjmë me një rikthim të Donald Trump në krye të shtëpisë së bardhë dhe me një fitore goxha të mëdhe, qoftë me votë popullore, sepse në 2016-ën nuk e siguroi votën popullore por mori votën e kolegjeve elektorale në SHBA. Së dyti, kemi një fitore dhe në ato shtete apo kolegje elektorale që janë konsideruar që nga ’92 kur u zgjodh Presidenti Clinton si shtete që anojnë për nga demokratët. Apo dhe një penetrim i mbështetjes për Trump në grupe që në amerikë konsiderohen si grupe minoritare, afroamerikanët, hispanikët, latinët.
“Konkluzioni i parë që mund të nxjerrim është që fitorja e parë e Trump në 2016-ën nuk ishte një rast përjashtimor nga rregulli, dhe, shohim qartë që ka një frustrim popullor i cili është kanalizuar tek Presidenti Trump. Ka një kritikë që u vërtetua dhe në këto zgjedhje që Partia Demokratike në Amerikë është një parti që përgjithësisht është transformuar në parti të shtresave të mesme, të edukuara, e grupeve të ndryshme të bankierëve apo hollywood dhe duket se ka thelluar një hendek me atë që ne i themi klasa punëtore” thotë ai.
Konkluzioni i dytë është fitorja e rrjeteve sociale mbi median tradicionale. Po të shohim të gjitha parashikimet, projeksionet dhe sondimet që u bënë nga mediat më prestigjoze amerikane dhe jo vetëm, flisnin ose për ndarje shumë të ngushtë ose për një votë popullore massive për Kamala Harris. Duke u ndalur tek rajoni ynë, Bushati nuk beson se do të ndryshojë dicka në këtë raport.
“Unë kam punuar me tre sekretarë të ndryshëm shteti që vinin nga dy administrata të ndryshme dhe të them të drejtën skam vënë re ndonjë diferencë përsa i përket qëndrimit të tyre për rajonin dhe Shqipërinë”.
Puna e SPAK në raport me drejtësinë, me luftën ndaj krimit dhe kurrupsionit ishte një temë e rëndësishme për të cilën studentët u ndalën në diskutime të gjera. Ish-ministri Bushati e vuri theksin tek garancitë kushtetuese teksa tha se: Ne na duhen gjykime të drejta e të ndershme nga këto procese të cilat ju i referoni. Përgjegjësitë ligjore mund të jenë personale, por nga këto procese ligjore që kryhen në dyert e gjykatave është e rëndësishme të përfitojë shoqëria dhe që drejtësia të kthehet gradualisht në frymë qeverisëse. Për mua, drejtësia nuk është thjeshtë vendimi që jep gjyqtari në sallën e gjyqit. Për mua koncepti i drejtësisë duhet të jetë frymë qeverisëse, duhet të orientojë veprimin politik dhe shoqëror. Nëse SPAK arrin të kontribuojë për këtë mendoj se do jetë një shërbim shumë i cmuar që i bëhet vendit. Por, lufta kundër korrupsionit, lufta kundër krimit të organizuar nuk është thjeshtë dhe vetëm përgjegjësi e SPAK dhe GJKKO.
