Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
POLITIKE
Buxheti 2025/ Gjiknuri: Të rrisim pensionet qoftë edhe duke rritur pak borxhin publik! Është kontribut direkt në konsum dhe ekonomi
n.fPërditësimi i fundit 19 Nëntor 2024, 13:40
Gjiknur
TIRANË- Deputeti i PS-së, Damian Gjiknuri gjatë fjalës së tij në seancën e sotme në Kuvend propozoi shkurtimin e disa investimeve publike për të bërë të mundur financimin e rritjes së pensioneve gjatë diskutimeve në seancë për projektbuxhetin e 2025. Ai u shpreh se teksa analizonte progresin e rritjes së ekonomisë së vendit, rritjes së Buxhetit të Shtetit dhe uljen e borxhit publik në kufijtë nën 57% të PBB theksoi se nuk ka pse të mos mendojë që ka hapësirë buxhetore për të bërë diçka më shumë në mandatin tjetër.
Sipas tij shteti është si një familje madhe dhe mund të kesh në ngarkim edhe shumë anëtarë që nuk janë në gjendje të punojnë. Gjiknuri tha se çdo kryefamiljar i përgjegjshëm heq diçka nga vetja, shkurton ndonjë investim apo dhe merr diku borxh për të plotësuar nevojat më imediate të familjareve që nuk janë në gjendje.
Ai shtoi se në të ardhmen të shikohet kjo hapësire fiskale e kombinuar dhe heqjen e ndonjë investimi që nuk është aq prioritar me qellim adresimin e rritjes reale të pensioneve minimale. Sipas tij si një parti e majtë e kanë detyrim njerëzor ndaj brezave para-ardhës të cilët me punën e tyre kanë kredituar dhe një pjesë të asaj çka gëzojmë ne sot.
“Në kohën ku morëm qeverisjen dhe më kujtohet dhe nga puna si ish-minister, na dukej si endërr që Borxhi Publik të arrinte në këto parametra që është sot, pasi në disa raste ai shkoi dhe 72 % PBB. Duke thënë këtë, mendoj që në të ardhmen të shikohet kjo hapësire fiskale e kombinuar dhe heqjen e ndonjë investimi që nuk është aq prioritar me qellim adresimin e rritjes reale të pensioneve minimale. Mendoj që si parti e majtë e kemi këtë detyrim njerëzor ndaj brezave para-ardhës të cilët me punën e tyre kanë kredituar dhe një pjesë të asaj çka gëzojmë ne sot. Një injektim i tillë buxhetor nuk duhet të na shqetesojë pasi është kontribut direkt në konsum dhe ekonomi”, theksoi Gjiknuri.
