Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
Debate të ashpra në Këshillin Bashkiak të Tiranës! Ilda Zhulali “thumbon” Veliajn: Ke tërhequr njerëz zvarrë!
PiranjatPërditësimi i fundit 23 Shtator 2025, 16:59
Këshilltari i Partisë Demokratike, Dorian Teliti, falënderoi këshilltarët socialistë që, sipas tij, më në fund u ngritën në lartësinë e detyrës, duke miratuar propozimin për shkarkimin e kryetarit të Bashkisë Tiranë, Erion Veliaj.
“Keni 7 muaj që i keni munguar kësaj lartësie dhe kjo i ka munguar Tiranës. Ky është një akt historik, që mund të ndodhë sërish pas 30-40 vitesh. Sot i bashkuat ju me ne votat, jo ne me ju. Faleminderit që po e lironi Tiranën!”, tha Teliti në fjalën e tij.
Ai shtoi se Veliaj duhet të ishte shkarkuar shumë kohë më parë, për abuzimet që ka kryer gjatë mandatit të tij. “Do të doja ta pasuroja këtë projekt vendim me gjithë shkeljet dhe korrupsionin që ka kryer Erion Veliaj. Nuk duhet shkarkuar thjesht se mungoi 90 ditë, por mbi të gjithë për krimet ekonomiko-financiare që ka kryer. Do të doja që ta kishim këtu. T’ia thosha në sy këto që thashë këtu. Duhet të ishte këtu të jepte variantin e ti, por mbi të gjitha t’ia thoshim një herë të vetme në sy këto të vërteta”.
Anëtarja demokrate e Këshillit Bashkiak të Tiranës, Ilda Zhulali po ashtu ka folur me tone të ashpra gjatë mbledhjes së sotme të Këshillit, për shkarkimin e kryebashkiakut Erion Veliaj.
Ajo i përmendi Veliajt gjatë mbledhjes, disa nga ato që ajo i cilësoi si akte korruptive të tij në krye të Bashkisë. Mes të tjerash, Zhulali me ironi i bëri të fala Veliajt para vendimit, duke thënë se qytetarët janë të kënaqur me shkarkimin e tij.
“Unë i bëj shumë të fala Erion Veliajt nga familjet e ‘5 Majit’ që tërhoqi zvarrë me gaz lotsjellës, burra, gra, fëmijë. Ke shumë të fala Erion, ata janë shumë të lumtur që ti do të shkarkohesh me ceremoni.
I bëj të fala Velisë nga banorët e Astirit që u bëri të njëjtën gjë. I bëj të fala nga Ardit Gjoklaj, nga të gjitha bizneset e Tiranës, të cilët i zhvasin të gjithë drejtorët e Bashkisë Tiranë të emëruar nga Veliaj dhe të tjerët që vijnë pas tij”, tha mes të tjerash Zhulali.
