Një tjetër rast mashtrimi nga Florian Gjergji. I riu nga Shkodra, i cili dyshohet se ndodhet në Gjermani ka arritur që të mashtroj&eu...
POLITIKE
DENONCIMI/ Aktivistja: Duan dorëheqjen e nënës dhe xhaxhait pasi nuk punuam për "kryetarin". Pjerin Ndreu kërkon përgjegjësit, hesht sapo zbulohen emrat (E PLOTË)
PiranjatPërditësimi i fundit 19 Maj 2023, 11:26
LEZHË- Arilda Lleshi, një aktiviste e angazhuar në fushatë kundër kryebashkiakut të sapozgjedhur Pjerin Ndreu denoncon se familja e saj po përballet me një hakmarrje politike për shkak të angazhimit të saj politik kundër PS. Denoncimi po kthehet viral në rrjetet sociale disa orë pas publikimit duke detyruar edhe vetë Ndreun të reagojë. Lleshi shkruan se për shkak të përfshirjes së saj në fushatën e zgjedhjeve vendore, nënës së saj dhe xhaxhait iu është kërkuar që të dorëzojnë dorëheqjen.
E ëma e vajzës punon në Bibliotekën e qytetit prej një jete, ku ndan edhe një foto sesi fëmijët e quajnë "Teta Lule e Bibliotekës".
Denoncimit të Lleshit i është përgjigjur vetë Pjerin Ndreu. Në postimin e saj në Facebook, Ndreu i kërkon emrin e personit që i ka kërkuar të japin dorëheqjen.
"Miremengjes. Ke bere nje postim qe nuk eshte aspak i vertete. Deklaro hapur kush person i ka kerkuar doreheqje njeriut tend ne biblioteke dhe kur?! Kjo eshte nje lajthitje ose viktimizim politik qe nuk ka asnje te vertete! Eshte genjeshter e paster ose fantazi e njeriut tuaj nese se thua publikisht kush person i ka kerku doreheqjen?"-pyet Ndreu Lleshin.
Në këtë moment, ajo publikon për transparencë emrat e dy personave që kanë kërkuar dorëheqjen. I pari është drejtori i Kulturës në Lezhë, Renaldo Xhani dhe Drejtori i Policisë Bashkiake, Leonard Palaj.
"Mirëmëngjes, Komunikuam me mesazhe para se të shihja komentin. Për transparencë, po e bëj publike edhe këtu. Dje drejtoria e kulturës ka kërkuar një mbledhje. Pas mbledhjes, drejtori i kulturës, Renaldo Xhani i ka kërkuar mamit dorëheqjen me këtë arsye ‘familja juaj nuk ka punuar për kryetarin’. Nuk jeni në dijeni të situatës? A ka qenë kjo iniciativa personale e Renaldo Xhani? Ndërkohë xhaxhait i është kërkuar dorëheqja nga drejtori i Policisë Bashkiake, Leonard Palaj. A ka qenë kjo iniciativa personale e Leonard Palaj?"-sqaron vajza. Pas këtij sqarimi, Ndreu nuk ka dhënë më asnjë përgjigje.
Për shkak të përfshirjes time në fushatën për zgjedhjet vendore, mamit tim, që punon prej 23 vitesh te Biblioteka Publike e Lezhës, dhe xhaxhait tim, që punon prej 23 vitesh si punonjës policie, ju është kërkuar të japin dorëheqje. Mami im ka një jetë që punon në Bibliotekë. Të gjithë fëmijët e Lezhës e njohin si teta Lula e Bibliotekës. Çdo fëmijë e mban mend me dashuri.
3 ditë pas rezultatit, puna vazhdoi me vrull. ‘Puna është në ADN-në tuaj’, ajo e mbrapshta. Mami dhe xhaxhai janë thirrur me urgjencë dhe ju është thënë se duhet të japin dorëheqjen ‘sepse familja juaj nuk ka punuar që kryetari jonë të rizgjidhet’. Tashmë jemi një familje me njollë në biografi, sepse nuk kemi punuar për nënën parti. Z. Ndreu,Bashkia nuk është ndërmarrja jote private, por institucion publik në shërbim të qytetarëve. Administrata nuk të detyrohet besnikëri politike. Ti je një i zgjedhur i përkohshëm. - Liria e bindjes politike është e drejtë themelore demokratike dhe kushtetuese që pas vitit 1990. Ndoshta botëkuptimi juaj nuk është azhornuar akoma. As mami, as xhaxhai nuk do japin dorëheqjen. Mund të vazhdoni me hapin e rradhës dhe t’i vidhni edhe disa taksa qytetarëve duke humbur gjyqin. Mbështetësit e Z. Ndreu, gjatë fushatës, pretendonin se ai përfaqësonte një ‘model qeverisjeje’. Për çfarë modeli e kishit fjalën? Për atë diktatorial? Gjatë fushatës, Z. Ndreu postonte se rinia është një ‘prioritet absolut’. Si mbështetet rinia Z. Ndreu, duke i mbyllur gojën, duke i mohuar liritë themelore të shprehjes e bindjeve? Gjithsesi unë nuk besoja në sinqeritetin e ideve tuaja. Prandaj edhe zgjodha të pozicionohem kundra jush në këtë fushatë. E drejta ime. Do vazhdoj të shprehem e pozicionohem ashtu si ma dikton ndërgjegjja./Dosja.al
