Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
Denoncimi i deputetes së PD: Patronazhistët rrethojnë qendrën e votimit në Mat
PiranjatPërditësimi i fundit 9 Nëntor 2025, 08:56
Deputetja demokrate në Mat, Denisa Vata
Deputetja demokrate në Mat, Denisa Vata ka denoncuar parregullsi në qendrat e votimit në Bashkinë Mat.
“Mbrëmë ka patur problematika me dokumentacionin e duhur, ku në pjesën më të madhe të qendrave të votimit mungonin procesverbalet kryesore, siç është procesverbali i hapjes së kutive të votimit, procesverbali i mbylljes së kutive të votimit”, tregoi Vata.
Gjithashtu deputetja e PD-së, tregoi se punonjës të administratës, patronazhist deri tek drejtoresha e arsimit në Mat po ndikojnë tek votuesit.
“Sot jam në qendrën e votimit 932/933 dhe këtu ka një problem shumë serioz, brenda ushtrohet presion nga punonjësja e sigurimeve shoqërore Vjollca Balliu së bashku me punonjës të shëndetit publik, ku janë varës të kandidatit të Partisë Socialiste për Matin. Ai ishte drejtori i shëndetit publik, dhe këtu janë dy punonjës, të asaj drejtorie që po përpiqen të intimidojnë qytetarët. Po përpiqen të ushtrojnë presion ndaj komisionerëve, na njoftuan dhe erdhëm menjëherë. Këtu afër qendrës së votimit, pranë një lokali, ndodhen familjarët e komisionerëve të votimit, ku qëndrojnë punonjës të administratës, patronazhistët, deri tek drejtoresha e arsimit që mbanë shënim njerëzit që hyjnë dhe dalin” shpjegoi deputetja demokrate.
Denisa Vata tha se ka njoftuar policinë e shtetit për ti larguar patronazhistët dhe punonjësit e administratës nga lokali pranë qendrës së votimit pasi ata mund të ndikojnë tek votuesit.
