Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
POLITIKE
Shpërndahet baza materiale për zgjedhjet në 5 bashkitë. Fushatë pa mitingje
PiranjatPërditësimi i fundit 8 Nëntor 2025, 20:04
Këtë të diel, në pesë bashki të vendit, Vlora, Berati, Cërriku, Mati dhe Tepelena, do të zhvillojnë zgjedhjet e pjesshme për kryetarët e rinj të bashkive.
Sipas të dhënave zyrtare, 334,539 qytetarë janë thirrur të votojnë, me qendrat e votimit që do të hapen në orën 07:00 të mëngjesit dhe do të mbyllen në orën 18:00, sipas përcaktimeve të Kodit Zgjedhor.
Komisioni Qendror i Zgjedhjeve ka shpërndarë tashmë të gjitha materialet zgjedhore, ndërsa kutitë e votimit janë dorëzuar në KZAZ-të përkatëse gjatë kësaj të shtune.
Në Vlorë, 171,895 qytetarë do të votojnë në 232 qendra votimi.
Në Berat, të drejtën e votës e kanë 82,161 zgjedhës, në 116 qendra votimi.
Në Cërrik, janë 38,724 votues në 57 qendra.
Në Mat, 29,092 qytetarë do të votojnë në 47 qendra, ndërsa në Tepelenë, 12,667 votues në 22 qendra.
Në total, 13 kandidatë garojnë për të zëvendësuar pesë kryebashkiakët që lanë detyrën pas zgjedhjes si deputetë apo emërimit si ministra.
Fushata elektorale ka kaluar pa ngjarje të mëdha politike apo prani të liderëve kryesorë të partive. Ndryshe nga zgjedhjet e mëparshme, Partia Demokratike nuk ka kandidatë zyrtarë nën siglën e saj, megjithëse ka shprehur mbështetje për disa kandidatë të pavarur.
