Mbahet sot në orën 18:00 protesta e pestë e qytetarëve kundër projektit të ndërtimit të resortit në zonën e ...
POLITIKE
"Dërgesa e dytë e emigrantëve në Shqipëri, simbolike!" Mediat italiane: 7 persona presin vendimin brenda 48 orëve
M.B.Përditësimi i fundit 8 Nëntor 2024, 21:08
ITALIA- Anija "Libra" e marinës italiane ka mbërritur sot në portin e Shëngjin me 8 emigrantë në bord. Fillimisht ishte planifikuar që të ishin nëntë persona ata që do të silleshin drejt kampit të Gjadrit, por personi i nëntë, i cili ishte me origjinë nga Bangladeshi, u gjykua se ishte shumë i moshuar dhe me shëndet të dobët.
Pas mbërritjes së kontigjentit të dytë të emigrantëve sot në postin e Shëngjini, mësohet se njëri nga 8 personat do të kthehet mbrapsht. Sipas mediave italiane, emigranti i cili do të kthehet bën pjesë në kategorinë e pambrojtur për shkak të disa problemeve shëndetësore. Ai do të niset drejt Brindizit, nga e njëjta anije e Marinës italiane.
Lidhur me këtë situatë kanë shkruar disa nga mediat italiane si “La Repubblica” e cila hedh akuza të forta për shpenzimet që qeveria e Romës po bën me marrveshjen. Sipas saj, qeveria "Meloni" ka shpenzuar 42 466 euro për çdo emigrant që ka shkuar deri tani në Gjadër.
Nga ana tjetër, “Il Fatto Quotidiano” shkruan se nga 8 azilkërkuesit, 5 egjiptianë dhe 3 nga Bangladeshi, njëri ka probleme shëndetësore që e vendos atë kategorinë e “vulnerabël”. Sipas artikullit, në Qendrën e Paraburgimit dhe Riatdhesimit në Gjadër, të menaxhuar nga Italia, kanë mbetur vetëm 7 persona që presin të dinë nëse gjyqtarët e Seksionit të Emigracionit të Gjykatës së Romës (kompetente për strukturat ekstraterritoriale) do të vërtetojnë ndalimin e tyre. Vendimi pritet të jepet brenda 48 orëve.
“Corriere della Sera” shkruan se ngarkesa e dytë e emigrantëve të destinuar për në qendrën shqiptare të riatdhesimit (në Gjadër) duket pak më shumë se simbolike. Sipas saj edhe ata që erdhën në mes të tetorit u detyruan të dërgohen në Itali.
