Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
DETAJE/ Kontrollet në apartamentet e Ajola Xoxës, agjentët e BKH-së sekuestruan dokumente e pajisje
M.B.Përditësimi i fundit 15 Janar 2025, 17:30
TIRANA- Gjykata e Posaçme ka firmosur një tjetër urdhër kontrolli ndaj kryebashkiakut të Tiranës, Erion Veliaj. Kontrollet janë kërkuar nga prokurorët e SPAK, në kuadër të hetimeve pasurore të nisura ndaj Veliajt dhe familjarëve të tij. Kontrollet janë kryer në dy apartamente në katin e 10 të kullës Sky Tower në zonën e ish-Bllokut të cilët dyshohet se përdoren nga Ajola Xoxa në funksion të kompanisë së saj “Harabel”.
Kontrollet kanë nisur mesditën e djeshme, dhe kanë përfunduar rreth orës 18:00 të mbrëmjes. Ende nuk dihet çfarë është gjetur në apartament konkretisht, por mësohet jo zyrtarisht se janë sekuestruar disa kontrata me vlerë për hetimin e SPAK. Dy apartamentet janë njëri hyrja 4 dhe tjetri pak më tej, hyrja 1 e katit të 10. Në vendimin e gjykatës, adresat e dy apartamenteve janë renditur si më poshtë:
i. PARTNERS LAW SHPK, NIPT: XXXXXXX0, Adresa: Njesia Bashkia Nr. 5, Rruga “Ibrahim Rrugova”, SkyTower-Kati 10/4.-Tirane, me administrator Ajola Хоха.
ii. Nan Gallery SHPK, NIPT: M3 XXXXX, Adresa: Njesia Bashkia Nr. 5, Rruga: .**Ibrahim Rrugova”, SkyTower-Kati 10/1, me administrator Daniela Vuksani.
Materialet brenda apartamenteve te SKY Tower dhe tek ambjentet e tjera të kompanive të Ajola Xoxës, agjentët e Byrosë Kombëtare të Hetimit i morën me vete. Sipas informacioneve, bëhet fjalë për kompjutera, celularë, laptop, dosje me shkresa, që përmbanin fatura, kontrata, projekte etj. Bëhet me dije se nga data 6 dhjetor kur u sekuestruan materialet në shtëpinë dhe zyrat e kompanive të Ajola Xoxës, çdo material është zbërthyer dhe ka kaluar në sitën e specialistëve të SPAK.
Këtu është zbuluar që përveç dy apartamenteve të regjistruara si ambjente të zyrave të Nan Gallery dhe Partners Law në katin e 10 të Sky Tower, Ajola Xoxa kishte edhe një apartament një kat më lart, në katin e 11 të kullës. Për ta bindur gjykatësen duket se kanë mjaftuar të dhënat që kanë gjetur në kompjuterin e Ajola Xoxës dhe menjëherë drejt katit të 11 të kullës janë dërguar agjentët e BKH. Mësohet se aty agjentët e BKH-së kanë gjetur fatura dhe kontrata.
