Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
“Dhëndri i vëllait të Naços më nxorri nga burgu!” Dëshmia e Nuredin Dumanit reagon ish-ministri i Drejtësisë: Distancohem nga akuzat!
M.B.Përditësimi i fundit 14 Janar 2025, 17:07
TIRANA- Ish-ministri i Drejtësisë Nasip Naço ka reaguar pas dëshmisë së të penduarit të drejtësisë Nuredin Dumani se dhëndri i vëllait të Naços e nxorri nga burgu. Në reagim, Naço thotë se distancohet nga çdo akuzë e bërë publike sot dhe fton organet e drejtësisë që të kryejnë një hetim të thelluar mbi këtë rast.
Ai shton se roli i Ministrit të Drejtësisë, sipas legjislacionit në fuqi, është i kufizuar. Naço thotë se ministri nuk heton, nuk ngre akuza, nuk pushon çështje dhe nuk jep vendime fajësie apo pafajësie. Ish-ministri thotë poashtu se detyra e tij lidhej vetëm me dhënien e lejeve të veçanta për të dënuarit, bazuar në ligj.
"Gjatë ushtrimit të detyrës sime si Ministër i Drejtësisë, nuk kam miratuar asnjë leje të veçantë për subjektin në fjalë. Distancohem nga çdo mashtrim, i bërë nga kushdo, individualisht apo në bashkëpunim, për të dëmtuar integritetin tim. Akuzat publike të bëra sot nuk përputhen me faktet reale të ushtrimit të detyrës sime si Ministër", thotë Naço.
REAGIMI:
Jam njohur sot nga mediat ku përmendet emri im. Dua të theksoj se:
Distancohem nga çdo akuzë e bërë publike sot dhe ftoj organet e drejtësisë që të kryejnë një hetim të thelluar mbi këtë rast. Nëse akuzat vërtetohen, organet përkatëse duhet të marrin masa ligjore ndaj çdo personi të përfshirë në këtë çështje. Roli i Ministrit të Drejtësisë, sipas legjislacionit në fuqi, është i kufizuar. Ministri: – Nuk heton,
– Nuk ngre akuza,
– Nuk pushon çështje,
– Nuk jep vendime fajësie apo pafajësie.
Detyra e tij lidhet vetëm me dhënien e lejeve të veçanta për të dënuarit, bazuar në ligj.
Gjatë ushtrimit të detyrës sime si Ministër i Drejtësisë, nuk kam miratuar asnjë leje të veçantë për subjektin në fjalë. Distancohem nga çdo mashtrim, i bërë nga kushdo, individualisht apo në bashkëpunim, për të dëmtuar integritetin tim. Akuzat publike të bëra sot nuk përputhen me faktet reale të ushtrimit të detyrës sime si Ministër. Faleminderit!
