Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Diskriminim i paprecedentë"/ PD: 466 mijë shqiptarë rrezikojnë të humbasin të drejtën e votës, të zgjatet vlefshmëria e dokumenteve të identitetit vetëm për arsye zgjedhore
r.llPërditësimi i fundit 6 Maj 2025, 13:31
oerd bylykbashi
TIRANË- Nënkryetari i Partisë Demokratike, Oerd Bylykbashi ka dalë sot në një deklaratë për mediat nga selia blu. Bylykbashi shprehet se sot janë 466 mijë shtetas në Shqipëri, me të drejtë vote, por të cilët nuk kanë një dokument të vlefshëm identiteti, as letërnjoftim, as pasaportë.
Sipas tij, qeveria shqiptare ka diskriminuar këta votues duke zgjatur vlefshmërinë e dokumenteve të identifikimit vetëm për zgjedhësit që jetojnë jashtë Shqipërisë.
Bylykbashi i kërkon qeverisë të nxjerrë aktin normativ dhe të zgjatë vlefshmërinë e dokumenteve të identitetit vetëm për arsye zgjedhore, që këta shtetas më 11 maj të kenë mundësi të votojnë. Gjithashtu i kërkon Komisionit Qendror të Zgjedhjeve ta kërkojë këtë gjë pranë qeverisë. Nënkryetari i PD tërheq vëmendjen e insitucioneve ndërkombëtare që të vënë në dukje këtë shkelje të të drejtave të shqiptarëve.
DEKLARATË E PLOTË E BYLYKBASHIT:
Sot janë 466 mijë shtetas me të drejtë vote të cilët nuk kanë një dokument të vlefshëm identiteti, as letërnjoftim, as pasaportë. Qeveria Shqiptare zgjati vlefshmërinë vetëm për zgjedhësit që jetojnë jashtë Shqipërisë, duke diskriminuar ata që janë në Shqipëri.
Ky diskriminim është antikushtetues dhe rrezikon të drejtën e votës së këtyre 466.000 shtetas që banojnë në Shqipëri, dhe më 11 maj duan të votojnë e të shprehin të drejtën e tyre kushtetuese. I kërkojmë qeverisë që pa vonesë të nxjerrë aktin normativ dhe të zgjatë vlefshmërinë e dokumenteve të identitetit vetëm për arsye zgjedhore, që këta shtetas më 11 maj të kenë mundësi të votojnë.
I kërkojmë KQZ, si organi suprem në mbarëvajtjen e zgjedhjeve që të kërkojë me forcë pranë qeverisë në mënyrë që këta shtetas të kenë mundësi që të votojnë. Gjithashtu tërheqim vëmendjen e mekanizmave ndërkombëtarë për vëzhgimin e zgjedhjeve, siç është OSBE-ODIHR, OSBE-ja, Këshilli i Europës dhe çdo institucion tjetër ndërkombëtar, që të vënë në dukje këtë shkelje të të drejtave të shqiptarëve. Kjo të bëhet tani, menjëherë, në mënyrë që më 11 maj të gjithë shqiptarët të kenë të drejtën të shprehen për ndryshimin, për të ndryshuar këtë regjim autokratik.
