Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Diskutohet projektbuxheti i vitit 2025/ PD nuk merr pjesë në mbledhjen e Komisionit të Ekonomisë, i pranishëm vetëm një deputet i opozitës (EMRI)
r.llPërditësimi i fundit 4 Nëntor 2024, 10:49
mbledhja e komisionit
TIRANË- Komisioni i Ekonomisë po zhvillon ditën e sotme mbledhjen e radhës, ku do të diskutohet projektbuxheti i vitit 2025. Kjo mbledhje është bojkotuar nga anëtarët e Partisë Demokratike, ndërsa nga radhët e opozitës i pranishëm është vetëm deputet Dashamir Shehi.
Ndërkohë, deputeti i PS-së, Erion Braçe tha se në kalendarin e diskutimeve duhet përfshirë edhe një diskutim i posaçëm për sigurimet shoqërore dhe për çështjen e çmimeve të shportës.
"Të futet në kalendarin e diskutimeve, një diskutim i posaçëm për buxhetin e këtij viti për realizimin e tij. E dyta të kemi seancë të posaçme për sigurimet shoqërore, dhe ta analizojmë me detaje sepse po ballafaqohemi me problemin e skemës së pensioneve. Së treti, do doja një diskutim të posaçëm për shtyllën sociale pasi preken njerëzit në nevojë. Së katërti do doja një seance te posaçme për sigurinë kibernetike. Ka marrë vëmendje të madhe për shkak te sulmeve kibernetike dhe dezinformimin. Së pesti, do doja një seance të posaçme për disa propozime për politika fiskale dhe jo vetëm, që mund të miratohen ose jo, por ne ti diskutojmë disa çështje që janë shqetësim. Se fundmi, do doja një diskutim të posaçëm për çështjen e çmimeve të shportës.", tha Braçe.
