Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
“Ditë e mirë për demokratët, e keqe për regjimin”, Apeli i dha vulën Berishës, PD: Opozita e përçarë ka marrë fund
M.B.Përditësimi i fundit 11 Qershor 2024, 14:20
Flamur Noka
TIRANA- Pas vendimit të marrë sot nga Gjykata e Apelit për kalimin e logos së Partisë Dmokratike dhe vulës së saj, grupit të Sali Berishës, kanë reaguar nga jashtë sallës, deputetët që ndoqën nga afër seancën. Deputeti Flamur Noka teksa foli para gazetarëve tha se sot është një ditë e mirë për të gjithë demokratët.
Noka tha se u gjetën gjyqtarë më integritet që i dhanë zë të vërtetës që po zvarritej prej 3 vitesh. Ai shtoi se Shqipëria ka një PD të vërtetë dhe një opozitë të bashkuar.
"Sot është një ditë e mirë për të gjithë demokratët. Zëri i tyre megjithëse në oazin e padrejtësisë u dëgjua, u gjetën gjyqtarë më integritet që i dhanë zë të vërtetës që po zvarritej prej 3 vitesh. E vërteta që janë demokratët ata që vendosin për PD. Demokratët sot janë të bashkuar, sot vendimi i gëzon ata, por sot është një ditë e e keqe për regjimin.
Një opozitë e përçarë ka marrë fund, sot Shqipëria ka një PD të vërtetë dhe një opozitë të bashkuar dhe të vërtetë. Thirrja është për çdo demokrat, shtëpia juaj ka qenë dhe është PD. Ky është një vendim i formës së prerë me rekomandim të Gjykata e Lartë që e kanalizon plotësisht këtë çështje. Kjo ditë nuk është për të festuar, por ditë e së vërtetës. Narko-regjimi është pengesa e vetme e udhëtimit të Shqipërisë në BE dhe ne duhet ta primë këtë betejë.
Në emër të gjithë kolegëve, thirrje demokratëve të kthehen në shtëpinë e tyre, sepse ka vend për të gjithë. I bëjmë thirrje çdokujt që është kundërshtar me regjimin, jo ata që janë shërbëtorë të regjimit", tha Noka jashtë gjykatës.
