Drejtuesi i Prokurorisë së Posaçme Klodian Braho, ka deklaruar se hetimi ndaj ish-zv.kryeministres dhe ish-ministres së Infrastruktur&eu...
POLITIKE
"Do edhe besën, ky i pabesi", aktori Mehdi Malkaj: Nuk la gjë për të vjedhur, ai është krimineli
PiranjatPërditësimi i fundit 29 Korrik 2026, 20:46
Aktori Mehdi Malkaj, duke folur në ditën e 60-të të protestës, akuzoi kryeministrin Edi Rama se po dëmton vendin për interesat e tij personale dhe se po kërkon besën nga shqiptarët, ndërkohë, që vetë është i pabesë.
Gjatë fjalës së tij, aktori kritikoi qeverinë dhe kërkoi largimin e kryeministrit Rama.
"Abdyl, shite pasurinë, një barrë flori. Abdyli prishi pasurinë për Shqipërinë, ky grabit Shqipërinë për veten e tij. Se ky do edhe besë, ky i pabesi që është si gjarpër. Si ai që futi në gji një gjarpër të ngrirë dhe gjarpri, sapo u ngroh, të parin atë kafshoi.
Nuk bëhet kontratë me gjarpërinjtë, me hardhucat dhe qelbësirat. Jemi në një kohë që vërtetë është e vështirë, shumë e vështirë, por është shumë heroike. Nuk jam njeriu më i mençur dhe shqiptari më i mirë, por unë e dua Shqipërinë. Kaq pak kërkojmë, ta duam. Na i jep të gjitha. Çfarë mungon? Lumenjtë, malet, kodrat.
Por nuk jemi mirë ne, se po të ishim mirë ne, e ngrinim kryeministrin, e vinim përpara dhe e shihnim si bëhej kryeministri. Për mua, ky është ish-kryeministër, nuk e di si është për juve. Iku, e ndoqëm me shkelma, se nuk la gjë për të vjedhur. Vodhi edhe jetën e bebave pa lindur akoma.
Ai është krimineli, i keqi. Nuk ka të tjerë të këqij. Ju dua shumë, se nëse nuk do ishit ju, nuk do kishte vlerë fjala ime apo e të tjerëve. Unë flas për ju. Sikur të kishim një grusht të madh. Na duhet ky grushti i madh i Migjenit.
Unë mbaj përgjegjësi vetëm për veten time. Për artistët keni shumë të drejtë, se kur është puna për ballo me Ramën, të gjithë atje i ke," tha Aktori Mehdi Malkaj
