Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Çdo hap më afër unitetit dhe zhvillimit të përbashkët", Walker: Kosova dhe Shqipëria janë dy realitete të ndara që ndajnë të njëjtin shpirt kombëtar
n.fPërditësimi i fundit 17 Janar 2025, 13:35
Walker
KAVAJË- Ish-ambasadori i OSBE-së, William G. Walker ka marrë pjesë sot në ceremoninë ku u dekorua nga Bashkia e Kavajës me titullin e mirënjohjes për kontributin që ka dhënë për kauzën shqiptare. Walker gjatë fjalës së tij ka theksuar rëndësinë e kontributit të tij në luftën e Kosovës dhe ka diskutuar mbi lidhjet e ngusht mes Kosovës dhe Shqipërisë. Sipas tij megjithëse janë dy realitete të ndara ndajnë të njëjtin shpirt kombëtar.
Walker theksoi se edhe pse nuk është historian i rajonit, ai ka pasur mundësinë të njohë më thellë realitetin e dy shteteve falë bashkëpunimit me kryeministrin e asaj kohe, Sali Berisha. Ai theksoi se takimi dhe ftesa e Berishës për të marrë pjesë në hapjen e Tunelit të Kalimashit ishte një ngjarje mbresëlënëse që bashkoi njerëzit e Kosovës dhe Shqipërisë.
Në fjalën e tij, Walker gjithashtu foli për “betejën e vërtetë” që të dy shtetet do të përballen gjatë zgjedhjeve parlamentare, duke theksuar se kjo është një periudhë e rëndësishme për të dy vendet. Për më tepër, ai shprehu kënaqësinë e tij për mundësinë që kishte të ishte i pranishëm në një moment historik, duke theksuar se është një nder i veçantë të ndodhet pranë popullit të Kavajës, dhe në një moment ku Berisha është kandidat për kryeministër në zgjedhjet e ardhshme.
Walker përfundoi duke shprehur besimin se Kosova dhe Shqipëria, pavarësisht realiteteve të ndara, do të vazhdojnë të forcojnë lidhjet dhe bashkëpunimin mes tyre, në një kohë kur çdo hap i tillë është një hap më afër unitetit dhe zhvillimit të përbashkët.
