"Çdo orë po sjellim fakte nga masakra elektorale"/ Berisha: PD dhe Opozita po pregatit luftën e fuqishme

TIRANË- Kreu i Partisë Demokratike, Sali Berisha, ka dalë në një konferencë për mediat duke folur mbi rezultatet e zgjedhjeve parlamentare. Berisha u shpreh se opozita po pregatit luftën e fuqishme për të mbrojtur votën e shqiptarëve. Kryedemokrati gjithashtu theksoi se çdo orë po sjell fakte nga masakra elektorale që ka ndodhur në zgjedhjet e 11 majit. Ndër të tjera ai shprehu mirënjohjen për komisionerët e PD-së që po kryejnë detyrën e tyre. 

"Çdo orë sjell fakte nga masakra elektorale që ka ndodhur nga Totorinoja e Tiranës. Por une jam këtu për të shprehur mirënjohjen për komisionerët e PD-së që po kryejnë detyrën e tyre. Kjo është rruga më e mirë për të mbrojtur votën e shqiptarëve. Kjo është rruga për të faktuar farsën e paprecedent, që po kutërmon nga të katra anët. Farsa elektorale që bëri regjimi i Tiranës më 11 maj vitit 2025. Në këtë kuadër, PD dhe Opozita, po pregatit luftën e fuqishme për të mbrojtur votën e shqiptarëve," tha Berisha.