Detaje të reja dhe zhvillime të bujshme vijnë nga hetimet për përplasjen me armë në Maliq, ku mbeti i vrarë një e...
POLITIKE
"Do të depozitojmë kërkesë për të ngritur Komision Hetimor"/ Bardhi për fondet e IPARD: Kam një listë të gjatë me socialistët që kanë vjedhur
PiranjatPërditësimi i fundit 16 Tetor 2025, 12:02
Kreu i grupit parlamentar të demokratëve, Gazment Bardhi, në fjalën e tij në Kuvend, paralajmëroi se brenda javës do të depozitohet kërkesa për krijimin e një komisioni hetimor sa i përket bllokimit të fondeve të IPARD.
Bardhi: Mocioni ishte për fermerët dhe foli këtu vetëm për fermerët. Taulanti nuk flet dot për për fondet e IPARD dhe fermerët. Dilni këtu dhe shpjegoni pse nuk doni të flisni pse BE ka bllokuar mln euro që shkojnë për fermerët shqiptarë. Ne jemi i vetmi vend që na janë bllokuar fondet sepse kjo qeveri ka vjedhur edhe paratë e taksapaguesve europianë.
Brenda javës do të depozitojmë kërkesë për të ngritur Komision Hetimor për këtë çështje. Do verifikojmë se si babai i i Suel Çelës mori paratë e fermrëve shqiptarë. Nuk i mori lekët fermeri i Elbasanit por i mori babai i Suel Çelës. Një njeri i shpallur në kërkim. Ne nuk donim të bënim politik mbi këtë çështje, por ne kemi për detyrë të reflektojmë të diskutojmë dhe të nxjerrim në përgjegjësi se si besimi i institucioneve europiane është shkelur nga qeveria.
Unë kam një listë të gjatë se si kryetarët tuaj të bashkive, si si familjarët të deputetëve të PS kanë marrë fondet e IPARD, kanë marrë djersën dhe mundin e fermerëve. Kërkojmë të ngremë Komision të Posaçëm, për t’i garantuar BE që paratë e IPARD 3 nuk do vidhen.
