Ergys Agasi i është drejtuar Gjykatës së Posaçme kundër Korrupsionit dhe Krimit të Organizuar (GJKKO), duke kërkuar ...
POLITIKE
DOKUMENTI/ Kryeministria e njoftoi për vakancat në 6 Bashki, Presidenti drejt shpalljes së zgjedhjeve të reja
PiranjatPërditësimi i fundit 30 Shtator 2025, 13:11
Sekretari i Përgjithshëm i Kryeministrisë, Engjëll Agaçi i ka dërguar këtë të martë një shkresë presidentit të Republikës, ku i bën me dije vakancën e krijuar në Bashkisë por edhe në pesë bashki të tjera në vend.
“E nderuar, në zbatim të detyrimeve ligjore që burojnë nga Kodi Zgjedhor i Republikës së Shqipërisë, përkatësisht neni 10 i Kodit, si dhe referuar pikës 4, të nenit 61, të ligjit nr.139/2015, “Për vetëqeverisjen vendore”, të ndryshuar, Këshilli i Ministrave është vënë në dijeni për krijimin e vakancave për kryetar në disa bashki të vendit, përkatësisht, bashkitë Tiranë, Vlorë, Berat, Tepelenë, Mat dhe Cërrik, e si rrjedhim kërkohet caktimi i datës së zgjedhjeve të pjesshme për kryetar në këto bashki, brenda afateve që përcakton ligji zgjedhor. Gjithashtu, bashkëlidhur lutem gjeni vendimin nr.539, datë 25.9.2025, të Këshillit të Ministrave”, thuhet në letrën e Kryeministrisë që mban të nënshkruar datën e sotme.
Pas këtij njoftimi, tanimë Presidentit të Republikës, i hapet rruga për dekretimin e zgjedhjeve të reja në gjashtë bashki. Ndryshe nga Tirana ku kryebashkiaku u arrestua me urdhër të SPAK, në bashkitë e tjera, vakancat u krijuar pasi kryebashkiakët dhanë dorëheqjen për të marrin postin e deputetit ose të ministrit si në rastin e Bashkisë së Cërrikut.
