Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
POLITIKE
Nga brenda mbledhjes së Konferencës së Kryetarëve, Bardhi kërkon mocion me debat në Kuvend për programin e qeverisë. U refuzua nga mazhoranca
PiranjatPërditësimi i fundit 30 Shtator 2025, 09:59
Kreu i Grupit Parlamentar të Partisë Demokratike, Gazment Bardhi, kërkon që në seancën e së enjtes të zhvillohet një mocion me debat në lidhje me programin e qeverisë. Gjatë mbledhjes së konferencës së kryetarëve, Bardhi theksoi se kërkesa e Grupi Parlamentar të PD-së për mocionin me debat është plotësisht e ligjshme dhe e përputhshme me rregulloren e Kuvendit. “Nuk është caktuar seanca për këtë të enjte, dhe kërkojmë që ky mocion të zhvillohet pikërisht këtë ditë,” tha ai.
Bardhi e akuzoi mazhorancën se po shmang debatin dhe transparencën lidhur me politikën e integrimit evropian. “Mazhoranca i shmanget debatit dhe transparencës për qeverinë, duke refuzuar kërkesën për mocion,” theksoi ai, duke kërkuar që Konferenca e Kryetarëve të vendosë menjëherë për zhvillimin e këtij mocioni.
“Keni qenë ju që keni bertitur në Kuvend se opozita nuk do debat. Sot jeni ju që po e faktoni se kush nuk do debat, kush nuk ka një bilanc për t’u përballur në debat, kush nuk ka një program të qartë për atë që e keni shpallur si prioritet, pra anëtarësimin në BE”, ka thënë Bardhi. Ai e cilësoi këtë refuzim të mocionit si një shenjë të frikës nga përballja me opozitën dhe mungesës së një bilanci konkret për realizimin e premtimeve.
“Bilanci i vetëm i qeverisë është ku do të udhëtojnë për takime, kujt do t’i japin leje ndërtimi, cili është koncesioni i radhës apo cilat para do të vidhen.” Ai theksoi se këto janë prioritetet e qeverisë dhe jo procesi i integrimit evropian, për të cilin mazhoranca nuk ka një plan të qartë.
