Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
POLITIKE
Dokumenti/ Zbulohet kërkesa e pazakontë për KQZ nga socialisti Erion Braçe
PiranjatPërditësimi i fundit 29 Mars 2026, 23:43
Vetëm disa ditë përpara mbledhjes të asamblesë socialiste të Njësisë 5, nga ku Erion Braçe ka shprehur dëshirën për mundësinë e kandidimit për postin e kryebashkiakut të Tiranës në 2027, ka dalë në dritë një detaj i ri.
Përmes një shkrese të datës 24 Mars Erion Braçe i ka dërguar një shkresë KQZ. Kërkesa është shumë e thjeshtë në pamje të parë. Erion Braçe kërkon t’i vihen në dispozicion të gjitha rezultatet e marra prej tij si deputet, duke nisur nga zgjedhja si deputet për herë të parë në qarkun Berat në vitin 1996.
Sikurse rezultatin e PS në rang qarku në 2009 në të gjitha ZAZ Berat;
2013 në Divjakë;
2017 në Divjakë;
2021 në Divjakë;
Rezultatin e tij si deputet në zgjedhjet e 2021.
Erion Braçe kërkon që informacionit t’i vihen në dispozicion në numër votash dhe përqindje për secilin vit. Mund të thuhet se kjo është hera e parë kur një deputet i drejtohet me një kërkesë të tillë KQZ për të pasur një bilanc të detajuar të votave të marra prej herës së parë kur është zgjedhur deputet.
Mbetet e paqartë pse pikërisht tani kjo kërkesë e Erion Braçes e një formati të tillë.
Mbase senatori socialistëve ka nisur të shkruaj një libër për angazhimin e tij politik por kjo duket e parakohshme për një politikan si ai për të lidhur në gozhdë këpucët e deputetit në shërbim të qytetarëve siç bëri idhulli i tij në gazetari Indro Montanelli.
