Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Dosja "Partizani"/ Përfundon seanca paraprake në GJKKO, Gjokutaj: SPAK të pushojë çështjen për mungesë faktesh penale! Të pyesë Edi Ramën për transformimin e pronës
n.fPërditësimi i fundit 31 Janar 2025, 14:47
TIRANË- Ka përfunduar seanca paraprake në Gjykatën e Posaçme për dosjen “Partizani”. Ditën e sotme ka përfunduar mbrojta e Jamarbër Malltezit, ndërkohë që seanca e radhës është caktuar më 5 shkurt në orën 09:00. Gjokutaj pas seancës u shpreh se ekspertët e angazhuar në proces nuk kishin licencë apo njohuritë e nevojshme, duke e bërë pavlefshmërinë absolute të akteve të ekspertimit.
Ai gjithashtu ka theksuar se përjashtimi i ekspertit është i barasvlershëm me përjashtimin e një gjyqtari, duke vënë në pikëpyetje ligjshmërinë e procedurës. Gjokutaj më tej u shpreh se e ka konsideruar procesin si politik dhe me prapavijë të qartë ligjore. Ai ka kundërshtuar akuzat për korrupsion, duke argumentuar se Malltezi nuk ka qenë asnjëherë zyrtar i lartë dhe nuk mund të jetë subjekt i një çështjeje të tillë. Më tej ai ka kërkuar që SPAK të marrë në pyetje kryeministrin Edi Rama, për të sqaruar rolin e tij në transformimin e pronës që është objekt i hetimit.
"Siç posaçërisht u ndal avokati te aktet e ekspertimit, të cilat, qoftë për shkak të mungesës së licencës apo njohurive të posaçme të ekspertëve, apo të shkeljeve të rënda procedurale, përbëjnë pavlefshmëri absolute. Përjashtimi i ekspertit barazohet me përjashtimin e gjyqtarit; janë të gjitha këto kushte ligjore.
Në fund, u denoncua prapavija ligjore e këtij procesi, sepse sigurisht kjo çështje është e lidhur. Jamarbër Malltezin e akuzojnë në bashkëpunim me zotin Berisha për korrupsion të zyrtarëve të lartë, kur ai nuk ka qenë asnjëherë një zyrtar i lartë dhe nuk është subjekt i kësaj çështjeje.
Problemi është se, për shkak të mungesës së faktit penal, avokati kërkoi pushimin e gjykimit. Si alternativë, nëse gjykata nuk bindet, kërkoi kthimin e çështjes dhe vendosjen e detyrave specifike për SPAK, ndër të cilat një nga detyrat bazë është thirrja e Edi Ramës në SPAK për t’u pyetur në lidhje me transformimin e asaj prone nga klub sportiv në truall ndërtimi dhe të gjitha veprimet e kryera nga ai, të cilat, për hir të së vërtetës, ndodhen në dosje, por nuk përmenden nga prokurori, me autorësinë e kryeministrit.
Lidhur me çështjen, Berisha akuzohet për “Korrupsion pasiv të funksionarëve të lartë shtetërore ose të zgjedhurve vendorë”, ndërsa Malltezi për “Korrupsion pasiv të funksionarëve të lartë shtetërore ose të zgjedhurve vendorë”, dhe “Pastrim të produkteve të veprës penale ose veprimtarisë kriminale," tha Gjokutaj.
Fatmir Bektashi akuzohet për “Korrupsion aktiv të funksionarëve të lartë shtetërorë”, ndërsa Xhimi Begeja dhe Andia Pustina akuzohet për "Pastrim Parash".
