Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Dy projekte transformuese dhe ambicioze", Rama: Të vetëdijshëm për barrën financiare por do të kenë impakt të fortë në promovimin e Shkodrës ndërkombëtarisht
n.fPërditësimi i fundit 10 Shkurt 2025, 13:51
Rama
SHKODËR- Kryeministri Edi Rama pas mbledhjes së drejtuesve politikë të qarqeve ka udhëtuar drejt qytetit të Shkodrës. Rama prezantoi projektet për rindërtimin e “Muzeut të Kujtesës” dhe hapësirën përreth xhamisë në Shkodër. Gjatë fjalës së tij Rama u shpreh se ka projekte transformuese për Shkodrën.
Ai theksoi se parku i mbyllur i Xhamisë së Madhe do të transformohet në një hapësirë që i shërben komunitetit si një pikë takimi ku ndërthuren të gjitha moshat. Rama theksoi së këto janë dy projekte ambicioze dhe se ka bindjen se ato do të kenë impakt të fortë në aspektin e promovimit të qytetit të Shkodrës ndërkombëtarisht.
Kryeministri theksoi se janë shumë të vetëdijshëm për barrën financiare që kanë këto investime, por patjetër që do ta financojnë. Ai tha se do bashkëpunojnë me komunitetin mysliman dhe të gjithë ata që duan të bëhen pjesë e kësaj nisme.
"Projekte transformuese për Shkodrën. Parku i mbyllur i Xhamisë së Madhe transformohet në një hapësirë që sa ngre lart në pah godinën e xhamisë, aq edhe i shërben komunitetit si një pikë takimi ku ndërthuren të gjitha moshat.
Janë dy projekte ambicioze. Kam bindjen që të dy këto projekte do të kenë impakt të fortë në aspektin e promovimit të qytetit të Shkodrës nderkombëtarisht. Nuk e dyshoj fare që Muzeut të Kujtesës do të jetë një hallkë domethënëse e zinxhirit të këtyre hapësirave që ne kemi filluar të krijojmë që me Bunkart, apo Muzeu i Gjethit, që kanë krijuar goxha impakt. Shkodrës do ti bëhet promovim i mëtejshëm duke bërë që të dalë nga kufijtë e Shqipërisë, patjetër që do sjellë më tepër vizitorë e turistë, që do të thotë më tepër të ardhura dhe më tepër dije për Shkodrën.
Ne jemi shumë të vetëdijshëm për barrën financiare që kanë këto investime, por me patjetër që do ta financojmë. Do bashkëpunojmë me komunitetin mysliman dhe të gjithë ata që duan të bëhen pjesë e kësaj nisme. Është si një xhami e vendosur mbi një libër të shenjtë dhe do të duhet të realizohet sa më mirë, por nga pikëpamja ekonomike duhet të ketë interes për komunitetin mysliman," tha ai.
