Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Dyert e PD-së janë të mbyllura për të"/ Basha për deklaratën e Berishës: Ajo derë nuk është rruga e demokratëve që duan ndryshim
r.llPërditësimi i fundit 23 Qershor 2024, 21:00
lulzim basha, sali berisha
TIRANË- Kreu i Partisë Demokratike, Sali Berisha në një intervistë pak më herët tha se Lulzim Basha dyert e PD-së janë të hapura për çdo deputet, përveçse për Lulzim Bashës. Berisha tha se Basha ishte personi përgjegjës që ndihmoi mazhorancën të instalojë sipas tij narkodiktaturën në vend.
Pas kësaj deklarate ka reaguar edhe Basha. Në një postim në rrjetet sociale, ai u shpreh se ish-kryeministri po përdor demokratët për t’u mbrojtur nga drejtësia, SHBA dhe Britania e Madhe. Sipas tij, pazari i Berishës me Edi Ramën, për t’i lënë këtij të fundit pushtetin është goditja më e rëndë ndaj demokratëve dhe shqiptarëve.
POSTIMI I PLOTË:
E kuptoj që Sali Berishës i ka mbetur vula në dorë dhe i duhet të rishpik armiq të jashtëm e të brendshëm. Pazari me Ramën për t’i lënë atij pushtetin, është goditja më e rëndë ndaj demokratëve dhe shqiptarëve. Asnjë mashtrim nuk e mbulon dot këtë pazar të turpshëm. Sot nuk ka shqiptarë që nuk e di që vula e PD-së u përdor si plaçkë në pazarin e radhës mes Ramës dhe Berishës.
Berishës i duhet vula për t’i përdorur demokratët që ende i shkojnë nga pas si mburojë para drejtësisë, SHBA-së dhe Britanisë se Madhe, ndërsa, në këmbim, Rama mban pushtetin për të shtyrë llogaridhënien për korrupsionin që ka mbërthyer për fyti Shqipërinë.
Prandaj dera e shtëpisë politike të Berishës nuk është dera e demokratëve, por e hallexhinjëve të SPAK-ut dhe të dëshpëruarve për një karrige. Ajo nuk është dhe as nuk do të jetë dera ime dhe as rruga e demokratëve dhe shqiptarëve që duan ndryshim.
