Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
POLITIKE
"E gjithë banda e Xhabaftit është e pajisur me badge e KQZ-së", Noka: Ku është policia, ku është SPAK?
n.fPërditësimi i fundit 11 Maj 2025, 13:17
TIRANË- Sekretari i Përgjithshëm i Partisë Demokratike, Flamur Noka ka dalë në deklaratë para mediave pas konfliktit të regjistruar me disa votues në Vlorë. Noka shprehe se nuk është parë asnjë polic apo përfaqësues i SPAK në qendrat e votimit, pavarësisht tensioneve dhe ndërhyrjeve të grupeve të dhunshme.
Ai akuzoi bandën e Xhabaftit dhe patronazhistët se janë te pajisur me badge të falsifikuara të KQZ-së, të cilët sipas tij, lëvizin lirshëm nëpër qendra votimi. Ai u bëri thirrje qytetarëve të dalin masivisht në votime për të rrëzuar, pushtetin e bandave dhe trafikantëve. Sipas tij sot është dita e qytetarëve dhe se nesër do të jetë fundi i bandave.
"Keni parë ndonjë polic ju këtu, ju keni gjithë ditën këtu, keni parë ndonjë polic te qendra e votimit? Ku është policia, ku është SPAK? Normalisht kur intervenon një bandë për të terrorizuar qytetarët dhe për të intervenuar votën, SPAK duhet të ishte këtu. Ka 2 orë që ka ndodhur ngjarja, shikoni SPAK e policë ju këtu? Asnjë. Në bazë të ligjit, duhet të ishin këtu.
E gjithë banda e Xhabaftit është e pajisur me badge e KQZ-së, ka ndonjë reagim për këtë? A e dini ju që janë pajisur të gjithë patronazhistët me badge të KQZ dhe lëvizin nëpër qendra të votimit në Tiranë gjithandej. Keni ndonjë reagim, Celibashi gojarisht thotë që nuk janë badge të prodhuara nga ne, janë fallco. Dhe ja kam referuar policisë, dini ju që policia të shkojë qendër më qendër dhe të sekuestrojë këto badge dhe të arrestojë personat që falsifikojnë vulat e institucioneve shtetërore?
Çfarë tregojnë këto, tregojnë se ata kanë vetëm një shpresë, shpresa janë bandat. Ta harrojnë, sot i bëj thirrje çdo qytetari, dilni në votime, në Vorë, këtu dhe kudo, dilni në votime. Tmerri i bandës së [pushtetit] dhe i bandave si Xhabaftet këtu, janë vota e lirë. Dilni në votime dhe jepni një mësim, duhet rrëzuar ky pushtet horrash dhe banditësh, ky pushtet trafikantësh, sepse ky tregon atë që s’e ka treguar as diktatura.
As diktatura dikur nuk imponoi me banda por me ligjërim të dhunshëm. Nëse ju keni parë një polic këtu, një reagim të shtetit, ka 2 orë që ka ndodhur ngjarja… Qytetarëve u them edhe një gjë, rrini të qetë, dilni në votime, janë përpëlitjet e fundit të tyre, janë përpëlitjet e fundit të tyre. Askush nuk i trembet më atyre, dita e qytetarëve po vjen, dita e bandave merr fund sot. Nesër do të gdhihet dita e qytetarëve. Dilni masivisht në votime sepse vota juaj u jep fund kurtheve dhe bandave," tha ai.
