Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"E ka treguar që s’do të dijë për asgjë"/ Paloka: Rama po e përdor drejtësinë, si armën e fundit për të goditur opozitën
E.DPërditësimi i fundit 28 Tetor 2024, 19:14
TIRAN- Krytetari i Këshillit Kombëtar të PD, Edi Paloka ka folur për protestën që do të mbahet ditën e nesërme dhe për akset që do të bllokohen. Paloka i ftuar në Task Forcë me Sonila Meçon, u shpreh se kohëzgjatja e saj do të jetë 2-3 orë. Gjithashtu Paloka u bëri thirrje qytetarëve që marrin pjesë. Paloka theksoi se si opozita ashtu dhe qytetarët janë të barabartë sot, në një kohë kur pushteti po përdor drejtësinë si armën e fundit për të goditur opozitën.
"Do të bllokohen akset në të gjithë Shqipërinë, do të ketë një lloj proteste, pjesë e mosbindjes civile, do ketë kohëzgjatje minimalisht 2-3 orë. Qytetarët të bëhen pjesë e protestës dhe jo të shohin nga ekranet e Tv. Edhe dje në Durrës, e patë me skandalin e fundit qeveritar me mbetjet, në proteste ishte vetëm opozita dhe një pjesë e qytetarëve e vogël, ndërsa aty duhej të ishte i gjithë Durrësi dhe e gjithë Shqipëria. Mbetjet helmojnë të gjithë shqiptarët. Kjo s’është luftë e opozitës, është kundër gjithë shqiptarëve kjo e keqe. Nëse kanë frikë t’i bashkohen opozitës, të paktën te reagojnë me format e tyre e jo të struken në kolltuqet e shtëpive të tyre.
Lideri i opozitës, Berisha është në arrest, Salianji në burg se denoncoi vëllain e deputetët. Ish presidenti Meta u rrëmbye në rrugë si terrorist nga banda në pushtet. Një tjetër lider opozite, kreu i PR është nën persekutimin e kësaj drejtësie. Është drejtësi e demaskuar jo vetëm nga opozita e mediet ndërkombëtare, por dhe nga institucionet që e merren me studimin e fenomeneve të drejtësisë. Çfarë presim nga kjo polici e drejtësi. Të gjithë të barabartë jemi sot. Jemi në rresht përballë kësaj diktature të re që po përdor drejtësinë si armën e fundit përballë opozitës. Jemi përballë diktaturës njësoj. Rama e ka treguar që s’do të dijë për asgjë. Ose e ndalim këtë që po ndodh, ose do shkojmë si dele, e aty përfundon," tha Paloka.
