Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"E pavërtetë!"/ Drejtoresha e Farmacisë së QSUT i përgjigjet akuzave të Vokshit: Ju siguroj se nuk ka ndodhur ndryshimi i datës së skadencës
n.fPërditësimi i fundit 17 Korrik 2024, 14:13
Mbledhja
TIRANË- Drejtoresha e Shërbimit Farmaceutik në QSUNT, Mirela Rexhepi gjatë seancës dëgjimore sot në Komisionin për Punën, Çështjet Sociale dhe Shëndetësinë lidhur me situatën në Spitalin Onkologjik ka hedhur poshtë akuzat e deputeteve të opozitës, Zhani Gjergji dhe Albana Vokshi. Rexhepi u shpreh se nuk ekziston asnjë lloj mundësie që të fshihet apo ndryshohet data e skadencës për barnat pasi çdo veprim kryhet online.
Gjatë seancës dëgjimore në Komisiondhe me gjetjet e Raportit të KLSH-së të vitit 2022 për sëmundjet tumorale me praninë e ministres së Shëndetësisë dhe Mbrojtjes Sociale, Albana Koçiu, Rexhepi deklaroi se sistemi informatik nuk varet nga QSUNT, por kontrollohet dhe verifikohet nga AKSHI.
“Në 18/04/23 ka ardhur një sasi donacioni e cila është e ruajtur në spital dhe nuk ekziston asnjë lloj mundësie që të ndërrohet data e skadencës. Donacioni ka ardhur nga Italia në vijim të një marrëveshjeje që shteti ka me Italinë për medikamente. Pasi vijnë në Shqipëri kolaudohen, pajisen me pullë nga Agjencia e Barnave e cila siguron cilësinë e barnave dhe vetëm pasi kolaudohet hyn në farmaci dhe përdoret për pacientët. Në momentin që kalon datën e skadencës është e pamundur që ilaçi të përdoret dhe t’i ndryshohet data”, tha drejtoresha e Farmacisë së QSUNT-së.
Rexhepi sqaroi se farmacia ka detyrimin që komunikimin ta ketë me shefat e shërbimit dhe nuk kemi kontakt me pacientët. Ajo shtoi se ata njoftojnë dhe janw në kontakt të vazhdueshëm me shefat e shërbimeve.
“Ju siguroj se nuk ka ndodhur ndryshimi i datës së skadencës”, ritheksoi Rexhepi ndwrsa shtoi se deklarata e kryetares së Komisionit dhe deputetes Vokshi janw tw pavwrteta.
Rexhepi sqaroi se për Spitalin Onkologjik, dalja e barnave behet përmes një makine frigoriferike dhe i dorëzohet kryeinfermierit. Sipas saj asnjëherë nuk ndodh që të dorëzohet terapia e kimios tek vetë pacienti. Ajo shtoi se pasi dorëzohet receta, përgatitet nga 3 farmacistë. Drejtoresha tha se kërkesa për barna bëhet përmes një recete me dy kopje ku njëra ruhet në farmaci dhe tjetra në kartelën klinike.
