Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
“Emri i Braçes për Tiranën, jo rastësi”/ Gazetari: Këta socialistë, pjesë e grupit që mbështetet nga ndërkombëtarët! Po përgatitet lëvizje brenda PS-së
PiranjatPërditësimi i fundit 1 Prill 2026, 16:15
Gazetari Almer Toska ka deklaruar se brenda Partisë Socialiste po shfaqen krisjet e para të brendshme, pas sinjaleve për ambicien e deputetit Erion Braçe për të kandiduar për Bashkinë e Tiranës.
Toska shprehet se po mbështetet një lëvizje brenda PS-së për rikthimin e “socialistëve të vërtetë”, duke sugjeruar se kryeministri Edi Rama nuk përfaqëson, sipas tij, identitetin tradicional socialist.
Sipas gazetarit, kjo lëvizje, e cila sipas tij mbështetet edhe nga faktorë ndërkombëtarë, synon riorganizimin e PS-së rreth figurave të vjetra të partisë.
Ai përmendi se Erion Braçe mund të jetë një nga figurat qendrore të këtij konfigurimi politik, duke pretenduar se ai gëzon mbështetje të gjerë brenda radhëve të socialistëve, përfshirë edhe disa figura të njohura të së majtës.
Toska përmendi gjithashtu emra si Fatmir Xhafaj, Erion Veliaj, Gramoz Ruçi dhe Arben Malaj, duke pretenduar se ata mund të jenë pjesë e një grupimi të brendshëm politik dhe në mbështetje të figurës së Braçes.
Sipas tij, Braçe, nëse nuk lejohet të kandidojë nën siglën e PS-së, mund të garojë edhe si kandidat i pavarur në Tiranë dhe të ketë shanse të larta fitoreje.
Gazetari shtoi se zhvillimet e brendshme në PS mund të thellojnë debatin politik dhe të çojnë në përplasje të mëtejshme brenda mazhorancës, përfshirë edhe me figura të tjera të larta të partisë.
Ai pretendoi gjithashtu se ekzistojnë ndikime ndërkombëtare në këto zhvillime, duke përmendur SHBA dhe Gjermaninë si faktorë që, sipas tij, po mbështesin riformësimin e mazhorancës.
