Ilir Meta ka reaguar në lidhje me gjyqin që po zhvillohet ndaj tij dhe bashkëshortes Monika Kryemadhi.
Me anë të një postimi n&...
POLITIKE
Çështja “Balluku” dhe projekti “TID”/ Zhupa: Shteti peng i interesave klienteliste!
PiranjatPërditësimi i fundit 13 Shkurt 2026, 17:39
Deputetja e Partisë Demokratike, Ina Zhupa, ka komentuar këtë të premte zhvillimet më të fundit politike nv vend teksa vshtë ndalur te imuniteti i Belinda Ballukut dhe projekti “TID” në Durrës.
E ftuar në Syqi TV, ajo deklaroi se opozita nuk do të pranojë, sipas saj, shkeljen e Kushtetutës për çështjen e imunitetit të Belinda Ballukut, duke kërkuar mbledhjen e menjëhershme të Këshillit të Mandateve.
Ajo deklaroi se nuk ka më asnjë pengesë procedurale për mbledhjen e Kuvendit, pasi Gjykata Kushtetuese ka përfunduar shqyrtimin e çështjes dhe Balluku është pezulluar nga detyra.
“Dje ishte një seancë plenare patjetër me shumë dallgë brenda saj, sepse opozita nuk mund të pranojë kurrsesi që kushtetuta e Republikës së Shqipërisë të shkelet, të trajtohet si një leckë për të fshirë djersët që ju dalin nga kërkesa e SPAK-ut për imunitetin e zëvendëskryeministrit apo të ministrit zotit Balluku. Dhe ajo faktikisht që ne kërkonim dje ishte vendosja e një date se kur do të mblidhet Këshilli i Mandateve, ndërkohë që thanë do presim Gjykatën Kushtetuese.
Gjykata Kushtetuese e ka kryer misionin e saj, megjithëse s’kishte asnjë lidhje po prapë ka mbaruar çështjen dhe zonja zëvendëskryeministre është pezulluar. Tani çfarë e pengon kuvendin për t’u mbledhur dhe për të marrë vendimin për imunitetin e zëvendëskryeministrit”,- tha Zhupa.
Deputetja demokrate foli gjithashtu për protestën e banorëve të Durrës, të cilët kundërshtojnë projektin “TID”, dërsa ka ngritur akuza se shteti ka mbetur peng i interesave klienteliste.
Zhupa deklaroi se projekti është hartuar nga Fondacioni Shqiptaro-Amerikan për Zhvillim (AADF) pa konsultime të mjaftueshme me banorët dhe pa respektuar detyrimin ligjor për proces konsultimi, veçanërisht në rastet e mundshme të shpronësimeve.
Ajo theksoi se disa prej banesave të parashikuara për ndërhyrje janë shtëpi karakteristike me vlera historike, të ruajtura ndër vite, dhe se shembja e tyre do të dëmtonte identitetin dhe trashëgiminë kulturore të qytetit.
“Është një projekt i cili është bërë në një mënyrë totalisht të pakonsultuar, totalisht kundra interesit publik, që nuk i shërben as turizmit, as zhvillimit të Durrësit, siç supozohet që janë qëllimet e shpallura të projektit, por nga ana tjetër e shkatërron identitetin e Durrësit, shkatërron shtëpitë karakteristike të Durrësit, po shkatërron dhe pronat private të këtyre banorëve që kanë qindra vjet që jetojnë brez pas brezi në ato shtëpi. Ai projekt është bërë nga AADF-ja, nga Fondacioni Shqiptaro-Amerikan për Zhvillim, është bërë pa shkuar në terren, pa i takuar banorët, pa bërë procesin e konsultimeve, që është i detyrueshëm, sidomos kur bëhet fjalë për shpronësimin, siç do të ndodhin, siç supozohet të ndodhin atje. Ku nuk ka, nuk përputhet realiteti me atë që thotë projekti.
Pra, shtëpi që në projekt duken si shtesa, ndërkohë janë shtëpi karakteristike, të ruajtura, të pandryshuara dhe gjenden të njëjta dhe në dokumentaret e fashiste. Dhe unë e kam ndjekur, e kam ndjekur sepse bëhet fjalë për identitet, për histori, për trashëgiminë, se Durrësi vetë është pjesë e trashëgimisë sonë kulturore, përveç amfiteatrit, edhe shtëpitë karakteristike, që ata në fakt nuk i kanë vënë një gozhdë që mos t’i prishnin autenticitetin dhe këta tani duan t’jau shëmbin. Hajde gjeje një lloj logjike, pse një shtëpi që duhet të ishte e mbrojtur nga shteti dhe nuk i lejohej të bënte asnjë rikonstruksion, sepse quhej brenda një zone të mbrojtur, të pashëmbulluar, të vlerave historike, tani duhet të shëmbet”,- tha Zhupa.
