Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Familja ime dikur ishte me PD-në!" I "dhuroi" socialistëve këngën e fushatës, Noizy bën publike dhe votën: S’ma mbush syrin askush përveç Ramës
M.B.Përditësimi i fundit 12 Prill 2025, 17:27
TIRANA- Reperi Noizy i cili performoi sot këngën e zyrtare të fushatës së Partisë Socialiste, nuk ka nguruar që pak çaste më vonë të shprehte dhe publikisht mbështetjen e tij për këtë forcë politike. Me anë të një postimi në rrjetet sociale, Rigels Rajku i njohur me emrin e artit si Noizy theksoi se vota e tij do të shkojë për PS-në.
Ai thotë se familja e tij dikur ka qenë me Partinë Demokratike, por ai personalisht ka kujtime dhe eksperienca jo të këndshme nga ajo periudhë. Noizy shton se vota e tij do të shkojë për PS-në sepse ai sheh individët kush drejton, cilën parti dhe kush janë ministrat e deputetët e secilës parti dhe a mund t’u besojë këtyre individëve.
Postimi:
Shiko, po e them një herë e mirë se çfarë mendoj dhe besoj. Familja ime dikur ishte me PD. Mirëpo unë personalisht kam kujtime dhe eksperienca jo të këndshme nga ajo periudhë më kujton një rrëmujë, një errësirë dhe as nuk dua ta imagjinoj të jetoj asnjë ditë si ajo kohë.
Me të thënë të drejtën, unë as nuk i shoh programet e partive. Sepse për mua, kushdo ta fitojë, unë prapë i njëjti jam dhe i njëjti do të mbetem: ai që fle i fundit dhe zgjohet i pari, ai që fle më pak se 5 orë gjumë gati çdo ditë, ai që shkon në punë pa orar, për të arritur atje ku asnjë artist rap shqiptar s’ka arritur kurrë.
Unë shoh individët kush drejton cilën parti dhe kush janë ministrat e deputetët e secilës parti. Dhe a mund t’u besoj unë këtyre individëve t’u jap votën time për vitet e ardhshme? Deri tani, me të thënë të drejtën, s’ma mbush syrin askush përveç Ramës.
Këta dy të rinjtë që dolën në protestë përballë bashkisë, ja nisën duke u kopur me grushta mes vete nuk u habita, të them të drejtën. E sa i përket këtyre të tjerëve, as që bëhet fjalë. Sepse unë dua ndryshim, por ndryshimi s’ka kuptim nëse s’ka përmirësim. Nuk e kemi luksin të rrimë në vend, e lëre më të shkojmë mbrapa. Kështu që, deri kur dikush të ma mbushë mendjen, unë votoj publikisht PS.
