Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Fitorja e Trump/ Rama nga Budapesti: Mund të jetë diçka më e mirë për Evropën, mos bëhemi histerik para se të shohim realitetin
r.llPërditësimi i fundit 7 Nëntor 2024, 13:20
edi rama
TIRANË- Kryeministri Edi Rama ndodhet në Budapest, ku do të zhvillohet samiti i radhës i Komunitetit Politik Europian. Rama u pyet nga gazetarët para nisjes së samitit lidhur me zgjedhjet në SHBA dhe fitoren e Donald Trump.
Ai u shpreh se me zgjedhjen e tij për herë të parë të gjithë menduan se NATO do përfundonte, por sipas tij u bë më e fortët. Kreu i qeverisë tha se duhet pritur se çfarë do të ndodhë në të ardhmen, ndërsa shtoi se fitorja e Trump mund të jetë diçka më e mirë për Evropën. Rama tha se shqiptarët janë komuniteti më pro amerikan në Evropë dhe se nuk bën dallim kush është në Shtëpinë e Bardhë.
“Mënyra si e shoh unë është se është bërë shumë zhurmë, ndoshta jo në mënyrën e duhur për kthimin e tij të mundshëm. Përvoja më thotë që kur ishte president dhe të gjithë thonin se NATO do të bëhej më e dobët, NATO u bë më e fortë. Kështu që le të shohim dhe të mos bëhemi histerik para se të shohim realitetin. SHBA janë SHBA dhe nuk mendoj që kjo do të jetë domosdoshmërisht e keqe për Evropën, mund të jetë me e mirë për Evropën.
Zelenskyt ja kam thënë, nuk është për tu shqetësuar për shkak të tij, por për të reflektuar dhe për të bërë shumë më tepër për të pasur një Evropë më të fortë. Kur u zgjidh herën e parë të gjithë u dridhen. Mund të jetë një mundësi e madhe për Evropën. Shqiptarët janë komuniteti më pro amerikan në Evropë, kështu që kushdo që të jetë në Shtëpinë e bardhë nuk bën dallim të madh për ne. SHBA janë SHBA. Ne jemi shumë më pak të prekur nga ky emocion”, tha Rama.
Në samitin e sotëm do të marrin pjesë 50 liderë të Europës si edhe Sekretari i Përgjithshëm i NATO-s, Mark Rutte. Në fokus të diskutimeve do të jenë sfidat e përbashkëta nga lufta në Ukrainë dhe emigracioni i përgjithshëm. Komuniteti Politik Evropian, iniciativë e presidentit francez Emmanuel Macron e ndërmmarrë në vitin 2022, është një forum pan-evropian, në përbërje më shumë se dhjetëra krerësh të shteteve edhe nga jashtë BE-së. Disa kritikë e konsiderojnë Komunitetin Politik Evropian si një mekanizëm që u ngrit për të ngadalësuar zgjerimin e shpejtë të BE-së duke mbajtur në dhomën e pritjes pa afat shtetet ballkanike, Ukrainën, Moldavinë dhe Gjeorgjinë.
