Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Futja në BE sot është proces shumë konkret", Rama: Për herë të parë që nga dalja e komunizmit kemi përputhje të dëshirave tona me BE
r.llPërditësimi i fundit 8 Prill 2025, 10:04
edi rama
TIRANË- Kryeministri Edi Rama po iu përgjigjet ditën e sotme disa komentuesve në rubrikën "Sy m'Sy" në rrjetet e tij sociale. Rama u shpreh se në BE shkohet duke votuar për Partinë Socialiste.
Sipas tij, anëtarësimi në Bashkimin Europian sot është proces shumë konkret, ndërsa shtoi se për herë të parë që nga dalja e komunizmit ka përputhje të dëshirave të dy palëve për integrimin.
Ai theksoi se aktualisht "dera" për në BE është e hapur për Malin e Zi dhe Shqipërinë. Rama tha se ende ka shumë punë për tu bërë deri në 2027 që është afati i fundit për përmbylljen e negociatave.
"Pse në BE nuk shkohet ndryshe, përveçse duket votuar për mua dhe PS? Sepse, futja në BE është një proces që sot është shumë konkret dhe për herë të parë që kur dolëm nga komunizmi, ka përputhje të dëshirës sonë për t’u futur në BE dhe dëshirës së tyre për të na marrë në BE. Sot jemi në një moment kur dera është hapur për ne dhe për Malin e Zi. Do të thotë që kemi në tryezë një kalendar pune, ka një afat, fundin e 2027 për të përmbyllur negociatat. Negociatat janë bisedime për të gjitha aspektet e organizimit shtetëror, nga të gjithë sektorët. Ka filluar puna prej vitesh, por ka shumë akoma.", tha Rama.
