Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Gazetari Artan Hoxha nxjerr mesazhet e Edi Ramës me kokën e krimit të organizuar
E.DPërditësimi i fundit 12 Shkurt 2025, 22:47
TIRANË- Gazetari Artan Hoxha ka publikuar mbrëmjen e sotme mesazhe të Edi Ramës me një person, që sipas tij, ka qenë koka e krimit të organizuar. Bëhet fjalë për një mesazh të vitit 2005, kur Edi Rama ishte kryebashkiak i Tiranës. Hoxha i ftuar në ‘Çim Peka LIVE’ në SYRI TV, tha se mesazhi i publikuar është pjesë e një dosje prej 130 faqesh që ndodhet në SPAK, ku pjesë e saj është edhe Erion Veliaj. Hoxha gjithashtu u shpreh se lidhjet e Ramës e Veliajt me krimin e organizuar janë të hershme dhe Rama sot ka dalë hapur kundër SPAK, pikërisht nga shantazhi që po i bën krimi i organizuar kreut të qeverisë pas arrestimit të Erion Veliajt.
"Edi Rama e di shumë mirë se, Erion Veliaj dhe enturazhi i tij mbrapa kanë materiale dhe dokumente komprometuese. Sepse janë të dy të kompromentuar që në fillimet e karrierës së tyre. Unë kam një shkresë, që duan ta kenë ata, se mendonin se kishin zhdukur këtë shkresën. Në fakt është një procesverbal i mbajtur nga OPGJ dhe një nga këto mesazhet, është i datës 4 shkurt 2005, ora 12:55:15. Kryeministri i shkruan në atë kohë kryebashkiak i Tiranës, njërit në atë kohë ka qenë, njeriu më i rëndësishëm i atij që ne e quanim, krimi i organizuar dhe i thotë:
Dëgjo këtu, n’pyll, pyll nxjerr pasqyra, n’qytet, qytet nxjerr pasqyra, n’det, det nxjerr pasqyra. Po ama ka të bëjë shumë, ku e di ai që e mba në dorë, se o dora që e mban pasqyrën. Ma meno një cikë këtë të lutem se so e lehtë. Është një komunikim i gjatë. Pra kryeministri në 2005. Në të njëjtën faqe është mesazhi i Erioni i Mjaftit e ka shënuar në telefon. Ky ka qenë në atë kohë njeriu më i rëndësishëm i botës së krimit.
Dhe në të njëjtin material është kryeministri është edhe Erion Veliaj. Janë 131 faqe material që i kanë atje. Këta i kanë këto. Pse ta solla, se këta që sot ankohen se krimi i organizuar, po i bëjnë presion, që ky instrument i drejtësisë së re, që i është dhënë mundësia të jetë e pavarur po bën të kundërtën; po sulmon votën e lirë të qytetarëve. Sot ne e kemi të vështirë ti dallojmë, janë biznesmenë apo banditë, se sot kanë nga 200-300 njerëz në punë, janë investitor strategjikë. Kush i ktheu këta, ky i ktheu. Ne themi sot krim i organizuar. Po more, ky është lordi më i madh i gjithë organizatës. Ky është mburoja kryesore", tha ndër të tjera gazetari Artan Hoxha.
