Deputetja socialiste Elisa Spiropali ka reaguar për protestën e Zvërnecit duke u shprehur se është e lehtë t’u sillesh pro...
POLITIKE
GJK rrëzoi vendimin e Qeverisë për shkarkimin e Erion Veliajt/ Justifikohet Rama: Kthejeni në detyrë!
PiranjatPërditësimi i fundit 4 Nëntor 2025, 12:20
Kryeministri Edi Rama ka reaguar pas vendimit të Gjykatës Kushtetuese që rrëzoi Qeverinë dhe riktheu Erion Veliajn në krye të Bashkisë së Tiranës.
Sipas kryeministrit, pas këtij vendimi mbajtja e Veliajt në burg është në dëm të së drejtës kushtetuese.
Kujtojmë që ishte vetë Edi Rama që kërkoi zgjedhjet në Tiranë dhe caktoi kandidaten duke e lëshuar përfundimisht Veliajt.
Por mesa duket, me daljen në skenë të një kandidatit të pavarur, i cili u mbështet nga e gjithë opozita, kryeministri futi në lojë Kushtetuesen.
Vlen të theksohet se në sondazhin e parë të bërë për Tiranën, Ogerta Manastirliu dhe Flor Binaj ishin pothuajse barazim me pëlqyeshmëri.
Frika nga humbja duket se e ka detyruar Ramën që të kthehet tek mbrotja për Erion Veliajn, duke penguar kështu zgjedhjet për Tiranën.
Reagimi i plotë
Disa rrjedhime logjike nga vendimi i Gjykatës Kushtetuese:
1. Ja që edhe njëherë u provua se nuk i paskam kapur unë të tëra pushtetet dhe kjo është një gjë sa e qartë, aq edhe e mirë apo jo
2. Nëse Tirana nuk do të ketë zgjedhje deri në 2027-ën dhe Kushtetuesja mendon se kryebashkiaku i burgosur i Tiranës nuk mund të largohet përveçse me zgjedhje, atëherë disproporcioni i mbajtjes së tij në qeli nuk është më thjesht në dëm të lirive e të drejtave kushtetuese të personit, po edhe në dëm të së drejtës kushtetuese të popullit të kryeqytetit për t’u shërbyer nga i zgjedhuri i vet apo jo
3. Çdo njeri normal që nuk sheh tek qëndrimi i Kushtetueses një qëndrim të verbër kundër qeverisë në dëm të madh të Tiranës, po një qëndrim të vendosur parimor, nuk ka se si të mos presë që me të njëjtën parimësi, kur të gjykojë paraburgimin e tij, Kushtetuesja ta kthejë Erion Veliajn në detyrë, për të vijuar procesin gjyqësor në gjendje të lirë apo jo
Pika 1 dhe 2 janë të sigurta, pika 3 mbetet për t’u parë, ndërkohë le të urojmë që kushdo ka në dorë ta ndihmojë zgjidhjen e këtij ngërçi absurd, të kujtohet se kryeqytetu nuk mund të trajtohet si jetim, për vite me radhë.
